أخبار عاجلة
الرئيسية » فرفش » عن الفيسبوك : خالة شو رأيك تعطينا هل الحمار وتاخدي ******* ؟؟؟

عن الفيسبوك : خالة شو رأيك تعطينا هل الحمار وتاخدي ******* ؟؟؟

هاد بزمناتو مدير الهيئة العامة للأذاعة والتلفزيون قرر يعمل سيران هو ومجموعة معو , قلن حدا يشفلنا جماعة الأرصاد الجوية بالتلفزيون يعملنا تقرير يشفولنا إذا الجو خرج نطلع أو لاء , الجماعة ماكذبوا خبر وركضوا لعند ***** وقالولوا : المعلم بيسلم عليك وبيقلك شفلنا الطقس لنهار الجمعة بدو المعلم يروح سيران , وبلش ***** يركض بأيديه ورجليه ويقيم ويحط ويعد بهل التقرير , المهم قدموا للمدير وقلو الطقس رح يكون مشمس ودرجات الحرارة مرتفعة وكلو تمام , شد هل المدير وجماعتو على الغوطة وبالطريق لاقوا ست ختيارة عم بتبيع فواكه على جنب هل الطريق وقفوا ليشتروا منها وصار المدير ياخد ويعطي معها بالحكي قالتلو لك أبني شو جايبكن اليوم ؟؟ هلق الطقس رح يقلب ودرجات الحرارة رح تنخفض و تنزل مطرة قوووية نصيحة حملوا حالكن ورجعوا بلا ما تتبهدلوا , صار المدير و إلي معو يتضحكوا وقلها خالة أنا المدير العام لهيئة الأذاعة والتلفزيون السوري وهدول الشباب معي ونحنا قبل مانطلع أخدنا تقرير مفصل عن الطقس من هيئة الأرصاد الجوية بالتلفزيون السوري , قالتلو مو صحيح هلق شوي تاني رح تنزل مطرة , أتدايق المدير وقلها طيب انت كيف عرفتي يعني ؟؟ قالتلو أنا عندي هل الحمار من كذا سنة كل يوم الصبح بتطلع عليه إذا منزل أدنييه معناها برد ومطرة و إذا رافعهن معناها شمس ودفا , عصب المدير وقلها هلق أنا بقلك تقرير من هيئة الأرصاد الجوية بالتلفزيون السوري و أنت بتقليلي الحمار !!
قالتلو تصطفلوا , المهم الجماعة كملوا سيرانن ولسا ماقعدوا قلب الطقس بفرد قلبة وبلش هل المطر ينزل والدنيا تهب وتكب وصاروا يركضوا بكل الأتجاهات مايعرفوا وين يروحوا وحملوا حالن ركبوا سيارتن ورجعوا وهنن وراجعين بيصادفوا نفس الختيارة راجعة لبيتها بيوقف المدير السيارة وبينزل لعندها وبيقلها : خالة شو رأيك تعطينا هل الحمار وتاخدي ***** ؟؟؟
عن جد الله يرحم أيامو كان يقول الدنيا منخفض تطلع العالم تاني نهار بالنص كم .

بوست مادخلو بشي بس من وحي الطقس