أخبار عاجلة
الرئيسية » حكايات من سوريا » ثائر قدسية : انا مهندسه يا اخي ولله العظيم مهندسه …

ثائر قدسية : انا مهندسه يا اخي ولله العظيم مهندسه …

 

اليوم كنت عما اشتري من مينيماركت باللادئيه … دخلت صبيه مهذبه و محترمه و طلبت من البائع يبيعا لبنه ب 25 ليره … اطلع فيها و قلا شو بدي حطلك ب هالمبلغ … يلا امري لألله … و حطلا على قطعة نايلون ملعقة لبنه .. رجعت الصبيه قلتلو الله يخليك كمان متلا ب 25 …. اخدت اللبنه و طلعت من المحل …. و بالخارج شفتا عما تلف صندويشتين لولادا التنين اللي كانو ناطرينا برا …. رجعت دخلت عالمحل و سألتني عن شغل … شو ما كان بس ما يتعارض مع الشرف و الاخلاق لانو هي بنت عالم و ناس ….. سألتا شو دارسه قالتلي مهندسه مدنيه طالعه من الاوائل على جامعتي … جوزي مات بالحرب بحلب و بالزور لطلعت مع ولادي و ما معي حتى هويتي … انا ضايعه و حالتي حاله … حبيت اختبر اذا كانت صادقه و سألتها عن  اسم ماده صعبه بالسنه الاولى هندسه .. قالتلي عما تختبرني يا اخي ؟؟؟؟ … مادة الوصفيه و انا اختصاصي انشائيه ،،، انا مهندسه يا اخي ولله العظيم مهندسه …



تنويه : ماينشر على صفحة حكايات من سوريا تعبر عن رأي وفكر كاتبه ولاتعبر بالضرورة عن رأي الموقع