أخبار عاجلة
الرئيسية » فرفش » عادات شامية غريبة !!!!! عجيبة

عادات شامية غريبة !!!!! عجيبة

اذا انكسرت كاسة يقال: انكسر الشر
اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!!
قص الاظافر بالليل مو منيح
مراششة الميه فراق
للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين
اذا اجت الكندرة فوق الكندرة يعني رايحين مشوار
اذا زحف الولد او زقزقت العصافير معناها جاينا ضيوف
اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
اذا رفت عيني اليمين بيكون جاينا خبر طريف و اذا رفت عيني الشمال بيكون جاينا خبر مو منيح
اذا حكني حاجبي معناها بدنا نستقبل حدا جاي من السفر
وإذا عمل العصفور تحتو على الأواعي يعني جاييكون رزقة
و دلق القهوة رزقة
و شرب المي بعد القهوة قلة زوق ( يعني قهوتكم مو طيبة )
إذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري
و اذا الولد الصغير كتير ابن الشهور عم يضحك لحالو بيقولو الملايكة بتكون عم تحاكيه
كمان يلي حامل بصبي بتتباشع و ببنت بتحلا
و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص
واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة