أخبار عاجلة
الرئيسية » فيسبوكيات » مازن أطرش: على أيامهم كانوا الناس يموتوا بشكل عادي!

مازن أطرش: على أيامهم كانوا الناس يموتوا بشكل عادي!

1-أحد أقاربي يقيم بالمناطق المحررة في ريف حلب، بالطريق استوقفه احدهم وترجاه ليوصله بسيارته بقوله: يرحم ابوك وصلني!
قريبي ما خجله ووصله يسيارته ..
كان مع قريبي بالسياره بنته الصغيرة (اربع سنين) اللي انتبهت لعبارة يرحم أبوك! فسألت ابوها: بابا .. ليش ابوك ميت؟
اجابها: اي يا بنتي ..الله يرحمه..
سألته ثانية: شلون مات.. نزل عليه برميل.. إلا ضربه قناص؟
قريبي.. ضحك وجاوبها: لا والله يا بنتي.. مات طبيعي.. على أيامهم كانوا الناس يموتوا بشكل عادي!

 

2-اليوم ..وانا عبسوق ..شفت طير..عصفور جميل قاعد بالارض !! بشكل غريب ..بجانب السيارات المركونة على جانبي الطريق !! وكان الطريق زحمة يعني عبسوق ببطء شديد فاستطعت ان اتأمله بشكل جيد ..كان حيا ..ولا يشكو من شيء ..بس قاعد عل الارض !! وانا مستغرب من قعدته الغامضة …واذ افاجئ بعصفور مثله ..بعد 5 امتار منه ..لكنه ميت !! لا اعرف كيف !! ولذلك شريكه او شريكته ..يقعد على الارض ..حزين يـتأمل بشريك حياته ..وقد فارقه..لا يأبه للسيارات المارة ..وكأنه ينتظر احدها ان تدوسه ..وتريحه ..من هل الحياة الفانية..الخالية من الحبيب ..
بنتم وبنا ..فما ابتلت جوانحنا,,, شوقا اليكم ولا جفت مآقينا …
نكاد حين تناجيكم ضمائرنا ..يقضي علينا الاسى …لولا تأسينا ..
يا سبحان من زرع المحبة في القلوب

 

 

3-لمن يتشدق بعبقرية بشار الاسد ..بصموده وعدم سقوطه حتى الآن ..بعد مرور اربع سنوات ! ونجاحه بتشويه الثورة ..وحرف مسارها ..بحب اقلو شي ..
لو حافظ الاسد رجع للحياة ..كان يا انتحر ورجع للموت ! يا اما شنقو لابنو مع كل رؤساء افرع المخابرات ..مع حسن زميرة ..ومن بيضاتون كمان !
لك سلمو بلد ..ما بيتخير عن كوريا الشمالية ! شعب اطوع من البنان …شعب غنم ..غنم العادة ..وكتار منهم بيحلفوا براس الرئيس ..عن قناعة وغسيل دماغ ..لك تركلو بلد ..لا يمكن حدا يرفع صوتو ل100 سنة على الاقل ! تركلو بلد اهلو مسلّمين بحكم ال الاسد لولد الولد ….!
يرجع ويلاقي الكبير والولد عبيلعن بروح الاسد !
لك تركلو تربيطة تحالفات ..داخلية وخارجية ..بتخنق اي ثورة بمهدها …
هيك ..بيصير ثورة ..ومسلحة كمان ! وكمان بيصير خشخيشة بايد ايران ! لك ايران كانت هي وحزب الشيطان لعبة بايد حفوظة …هلق انعكست الآية !!
لو ما ارث حافظ الاسد الجهنمي ..كان بشار مابيصمد شهر ..اصلا لولا تخبيص بشار ومخابراته ..مابتطول الثورة شهر ! اش رأيكم بهل المعادلة ..السيريالية !
حافظ الاسد ديكتاتور ..ومجرم ..لكنو عبقري ..كلمة حق يجب ان تقال ..
وبصراحة ..عدو ذكي ..اهون من عدو غبي ! دمر حالو ..ودمرنا …بكل غباء ..وجحشنة

 

4-البنت الجدبة الارمنية ..اللي قعدت تتبوجق علينا ..يلهجة حلبية غير مكسرة !! بصراحة ..انا ما تابعت كلامها كلو..لكن شدني كمية اللايكات الكبيرة ومن بينهم اصدقاء ..اقدرهم !!!والتشيير الكتير لمقطع الفيديو ! فاعتقدت انو في كلام تقيل ..كما نقول ” شفنا قبة فكرنا مزار ..طلع بالقبر كلب فطسان ”
لاني لما قرات ..شفت الكلام سخيف جدا ! وبالمناسبة ..انا ما قريت علاكها حول البراميل ..الاخ صهيب ابو عمرو ..مشكورا ..نورنا ببوستاته اللطيفة حول هل النقطة السوداء ..وعن مناشدتها للجيش وهل الحكي الفاضي ..اللي ما وصلت بقرايتي لعندو .زوقفت وما كملت ..
لما شغلت الفيديو ..عرفت السبب !! لانو البنت ..ارمنية (انو على اساس شهد شاهد من الطرف الآخر ..مع انو شهادتها بتهوي ) …والتاني والاهم ..انو عوشها لحسة لبن (ولا حدا يقلي انو مو حلوة ومو محرزة …هي مو حلوة يعني هل القد ..بس انا عبقول ..عوشها لحسة لبن ..مو اكتر ..ولبن مبستر مو بلدي ) ..
الخلاصة ..كلامها لا يقل سخافة عن كلام جود عقاد..بس الفرق ..انو جود مو على وشها لحسة لبن ..وهي على وشها لحسة ..
لك..ريتكم ..تلحسوا انفي ..اش شعب نسونجي ..

 

mazen atrash



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع