أخبار عاجلة
الرئيسية » فيسبوكيات » Hadi Bazghlan: اسعار صرف الكولا العائلي لحظة بلحظة

Hadi Bazghlan: اسعار صرف الكولا العائلي لحظة بلحظة

قبل ما تبلش المؤامرة على سوريا كانت علبة الكولا العائلي بـ50 ليرة وكذلك الدولار الامريكي … مع بداية الانتصار على المؤامرة صارت بـ75 ليرة وكذلك الدولار … مع توالي حدة الانتصارات صارت الكولا ب 100 ليرة و أيضا الدولار … مع بداية حصار المؤامرة و القضاء عليها صارت الكولا بـ150 ليرة و كذالك الدولار … مع اشتداد حدة الحصار المؤامرة من جهة و الانتصارات من جهة اخرى وصلت الكولا لـ200 ليرة ونفس السعر وصل الدولار … و مع وضع اللمسات الاخير على الانتصارات صارت الكولا بـ250 ليرة … و حاليا واقفة عند هذا السعر مع انه الدولار سبقها، تبرير هذا الأمر أن العادة أن يسبق الدولار وتلحقه الكولا … يعني كم يوم بتصير الكولا بـ275 ليرة متل الدولار ..
طيب هالدراسة الاقتصادية المستفيضة لشو بتقودنا؟ بتقودنا طبعا انه سعر الكولا العائلي مطابق لسعر الدولار و يتأثر سلبا و ايجابا معه حسب الانتصارات .. فليش ما بنشوف بنشرات اسعار العملات بالبنوك خانة الكولا العائلي بجانب بقية العملات! ليه ما بنشوف صفحة عالفيسبوك بعنوان (اسعار صرف الكولا العائلي لحظة بلحظة) سؤال برسم الإجابة!



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع