أخبار عاجلة
الرئيسية » فيسبوكيات » ديما فخر الدين : لعمی طلعني مجنونة !!!!

ديما فخر الدين : لعمی طلعني مجنونة !!!!

مبارح وقفني شاب عمرو تقريبا 12 او 13 سنة من أهلنا السوريين عببيع علكة بالطريق فقررت اشتري منو..وأول شي خطرلي اسألو ياه انت من وين من سوريا فجاوبني انو من حمص..هزيت راسي وقلتلو بتأثر الله يفرجها وتنتصر ثورتكن وترجعو منصورين عبلدكن..قام اطلع فيني وقلي بالحرف الواحد وباستهزاء شديد
“والله بكيتيني ها وعفرض انتصرت ثورتنا ورجعنا عبلادنا حنعيش بالطريق لإنو بيوتنا راحت”….قلتلو معليش بترجع بتتعمر..ومرة تانية جاوبني باستهزاء
“شو قالولك عن أبي قاعد عبنك لنرجع نعمر بيتنا إي ما يلعن أبو الوضع اللي وصلتلو هالثورة وأبو بشار وأبو كل معارض وكل مؤيد وكل مين شردنا وجبرني بيعك علكة بالطريق وعيش انا وأهلي بمستودع ويمكن ننطرد منو ومتلنا كتار مشردين خدي دف هالعلكة وتيسري الله يرضی عليكي ويهديكي أهم شي”
يهديني ؟؟؟؟؟  لعمی طلعني مجنونة …الله يهدينا جميع..ويارب الفرج من عندك تنصر كل مظلوم وصاحب حق



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع