أخبار عاجلة
الرئيسية » شؤون المهاجرين » آداب ألمانية بقلم مؤنس بخاري

آداب ألمانية بقلم مؤنس بخاري

قاعد بأمان الله بالقطار عم اقرأ كتابي، وإذ بيجي للكرسي المقابلي هالولد الصغير ومعو مجلتو وطيارات صغيرة… شوي يلعب بالطيارات شوي بيقرأ بالمجلة.

اتصرّفت وكأنّو غير موجود وكمّلت قراءة كتابي، وهو اتصرّف طبيعي وكأنّي غير موجود وعم يلعب بكل هدوء. شوي وسألته “لحالك بالقطار؟”


— لأ


– لكان ليش قاعد هون لحالك؟

جاوبني: “شفتك قاعد لحالك، ومو حلوة حدا يضل لحالو بالقطار!”

جوابو فلجني، سكتت ما عاد عرفت شو احكي!

ورجعت كمّلت قراءة بكتابي، وهو كمّل لعب وتصفّح المجلة، هيك لوصلت لمحطتي.