أخبار عاجلة
الرئيسية » فيسبوكيات » فؤاد حميرة: بيجي الكرسون لعندك وبيقلك بالفرنسي : بربك …بدينك …بضميرك …انت مو سوري؟

فؤاد حميرة: بيجي الكرسون لعندك وبيقلك بالفرنسي : بربك …بدينك …بضميرك …انت مو سوري؟

فؤاد حميرة
فؤاد حميرة

بتطلب فنجان قهوة وبتضل تمزمز عليه ساعتين ،طبعا خلال هالساعتين بتتبدل ألوان ابتسامة الكرسون من اﻻبيض للاصفر وصوﻻ للاحمر ….انه يعني زوء بقى وطلوب طلب تاني …وانت مطنشششش وﻻ كانه فيه شي …وبيصير الكرسون يدفشلك الكرسي عالرليحة والجاية …وشي يضربلك الطاولة على اساس انه مو منتبه …بس وجهو بيكب صحن اللبن وهوي عم يسب على هيك زباين …بعد الساعتين بقى بتصير تحس انه رح يصفقك مف يرميك برات الكافيه …وانت مطنششششش …بتمتد الظﻻل وبتغيب الشمس وبيتبدلوا الكراسين …وبيجيك وجه جديد مقلوب متل الجرابة العتيقة ….وانت مطنششششش …بتتبدل وحوه الزباين وطلباتهم عالطاوﻻت …وانت بعدك عم تمزمز بفنجان القهوة اللي هوي اساسا قد الكشتبان ….تلج الفنجان عالطاولة ….وانت مطنشششششش
بعدييييين بيجي الكرسون لعندك وبيقلك بالفرتسي : بربك …بدينك …بضميرك …انت مو سوري؟
وبتضل مطنششششش



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع