أخبار عاجلة
الرئيسية » كتاباتكم » بسام معلوف معارض سوري مسيحي يوجه نداء للسوريين : دعوة للتخلي عن بشار واختيار قيادة تفاوض لانهاء الحرب

بسام معلوف معارض سوري مسيحي يوجه نداء للسوريين : دعوة للتخلي عن بشار واختيار قيادة تفاوض لانهاء الحرب

ما في حدا فينا (بالمعارضة) بيتمنى الشر لاخوه السوري وكل المعارضين رغم فداحة ما حصل من قبل االنظام وميليشياته وجيشه المجرم ما منرضى نكيل بنفس المكيال .
ورغم كل اساليب الحقد اللي مورست ضدنا عندما ظن الطاغية ومن معه انه سينتصر على ارادة الشعب . ما بدنا نحقد متلكم ولا نتجبر طلبنا حرية وكرامة عطيتونا قتل وتعذيب واجرام وغطرسة وعنف . منكم من طالب بالكيماوي لجوبر وهو في العباسيين ومنكم من طالب بالبراميل لحلب وهو في طرطوس .
نحن نبهناكم مرارا وتكرارا انو ماحدا بيقدر يوقف بوجه ارادة الشعب ونبهناكم لخطورة اللعب بالنار عبر دعم المجرم ضد شعبه . الان عم تطالبوا بحل سياسي بينما رفضتوه ل 4 سنوات . نبهناكم ان لا تدينوا لئلا تدانو وشكله اليوم الفاس وقعت بالراس .
لكن مع ذلك ومع اننا لن ننسى دم شهدائنا ونصر على محاسبة القتلة لكن باب الفرصة الاخيرة مفتوح . لا تنتظروا لاخر ثانية تخلوا عن هذا النظام قبل ان يهرب بشار بطائرته لروسيا كما فعل بن علي ربما الشهر هذا ربما بعد شهرين ربما بنهاية العام لا احد يعلم متى سيتم تفعيل الضغط عليه ليستسلم لكن واضح ان خيوط اللعبة انحبكت وايران قبضت وستتركه يواجه مصيره بنفسه .
ما بدنا نفس المصير اللي فرضتوه على السوريين يحصل لكم مع انها عدالة التاريخ ان حصلت . ما بدنا تتهجروا وتندبحوا وتنحرموا بلادكم متل ما هجرتوا ودبحتونا وحرمتونا بلادنا ومالنا ورزقنا وبيوتنا .
نحن ثرنا لنكون االاكبر ورح نضل اخلاقيا الاكبر لاننا ببساطة واقفين مع الحق . لكن عليكم اخذ الخطوة الان . تعالوا نكون رجالا وننتهز الفرصة التاريخية لنبني بلدا بدون الغرباء بكرة الافغاني بيرجع والعربي بيرجع والايراني والشيشاني واللبناني بيطلع ومالنا غير بعض .
من ٤ سنين بتقولوا خلصت وفشلت وما خلص غير البلد . كفى تعنت وكفى كذب وجهل من اجل فكرة او شخص . انقذوا ما يمكن انقاذه . كلنا خسرنا في هذه الحرب . خسرنا دماً ودموعاً وآلامنا لكننا ربحنا حرية ستغير سوريا للأفضل غداً أو بعد غد أو بعده سندرك كلنا ان التضحيات لم تدهب هباءً لكن مدوا يدكم بشجاعة لنحفظ البلد .
كونوا سوريين لمرة واحدة لا أسديين تعالوا نحفظ ما تبقى من بلد وما تبقى من شعب معاً .
 
دعوة للتخلي عن بشار واختيار قيادة تفاوض لانهاء الحرب


تنويه : ماينشر على صفحة كتاباتكم تعبر عن رأي وفكر كاتبه ولاتعبر بالضرورة عن رأي الموقع