أخبار عاجلة
الرئيسية » مجتمع » سوريون يطلقون على مواقع التواصل الاجتماعي حملة #كنا_عايشين/ سخرية من واقع السوريين قبل الثورة واليكم بعض القصص

سوريون يطلقون على مواقع التواصل الاجتماعي حملة #كنا_عايشين/ سخرية من واقع السوريين قبل الثورة واليكم بعض القصص

لم تمنع الحرب الدائرة في البلاد منذ أكثر من أربعة أعوام السوريين من السخرية، بل إن الكثير من الوقائع الأليمة التي عايشوها لسنوات طويلة تحولت لمادة للتهكم في الحياة الواقعية، وعلى صفحات التواصل الاجتماعي.

فمنذ أيام، انطلقت حملة افتراضية بعنوان “كنا عايشين” استرجعت بطريقة ساخرة ذكريات الحياة في سوريا منذ بداية حكم آل الأسد قبل أربعة عقود، وهي فترة عرفت بالقبضة الحديدية لأجهزة الأمن السورية، حيث كان مصير أي معارض للنظام الاعتقال والتغييب وربما القتل.

ويشير عنوان الحملة والوسم الذي اتبعته على مواقع التواصل الاجتماعي “#كنا_عايشين” لجملة شهيرة يرددها مؤيدو النظام، والفئات التي ترى أن الحياة قبل الثورة كانت النعيم بعينه، لتأتي الثورة لتخرب ذلك “النعيم” وتدخل البلاد في نفق مظلم لا نهاية له.

وعن أسباب إطلاق الحملة، قال الناشط والمعارض السوري فراس الأتاسي للجزيرة نت إن النجاحات الميدانية الأخيرة التي حققها مقاتلو المعارضة، والمحاولات التي تريد أن تعلل انطلاق الثورة لأسباب مختلفة، غير السبب الحقيقي لانطلاقها، كانت وراء إطلاقه للحملة المذكورة.

الطابور الخامس
ويتابع الأتاسي قائلا “إننا نعيش اليوم انتصارات على الأرض مما يرفع المعنويات بشكل كبير”. ويتابع أنه مع كل نجاح للثورة تبدأ عمليات الطابور الخامس على مبدأ “فرق تسد” وعمليات التخوين وكل ما من شأنه إحباط النجاحات على الأرض، ويبدأ البعض “باللعب بشكل جدي على وتر: كنا عايشين”.

ويؤكد أن الثورة السورية اندلعت بسبب الاستبداد على مدى أربعين عاما، معتبرا أن “أي محاولة لنسب الثورة لأسباب مختلفة، غير السبب الحقيقي، محاولة لتشويه الحقائق”.

واستهل المعارض السوري حملة الكتابة على موقع التواصل الاجتماعي فيسبوك، من أجل تذكير الناس بالحياة في ظل حكم عائلة الأسد، وهي ذكريات عامة لأي مواطن، ليتفاجأ بردة فعل كبيرة، حيث وصلته عشرات الرسائل تحكي ذكريات مشابهة، وقام بنشرها مستخدماَ الوسم الذي تحول لعنوان مشترك لآلاف التغريدات والمنشورات.

ويعزو الأتاسي المشاركة الكبيرة لاحتقان السوريين وآلامهم المشتركة، ويؤكد أهمية أي نشاط مشابه يمكنه رفع المعنويات بشكل إيجابي، ووضع مؤيدي النظام أو من وصفهم بالرماديين في موقف الدفاع عن النفس.

 

بزمانو رحت مع عالشباب عاللاذقية لنغير جو يومين زمان …
ظلينا ساعة ننطر في لوبي المريديان لحتى ناخد غرفة والموظف كل شوي يقللنا مافي غرف،، في اﻵخر واحد من الشباب أخد الموظف عجنب وعطاه النصيب وفوقو سيجار من المنطقة الحرة حقو شي 500 ليرة وفجأة صار في جناح فاضي ومحجوز باسمنا كمان !!!
وﻷنو الخدمة زبالة والمكيف كان خربان نزلنا عالمسبح لنكسر الحر شوي،، ويا دوبك غطينا جسمنا شوي وما شفنا إلا خمس (بغال) عم يطردو هالناس ويطلعوهم من المسبح ويكشوهم لبرة ﻷنو المعلم (رفعت اﻷسد) بدو يسبح،، إنو كيف رفعت في سوريا ما بقى نفهم !!!
دقيقتين وبيجي ولد بطول رجلي بيشلف حالو في المسبح الفاضي وبصير يلعب مع المرافقة والعالم كلها عم تتفرج من بعيد !!!
المهم طلع المعلم هو حفيد الدكتور رفعت !!!
ولسة بقلك ‫#‏كنا_عايشين‬ ،، لك يلعن أبو هيك عيشة دفع مصاري وقلة قيمة !!!

 

 

‫#‏كنا_عايشين‬
إحدى معارفي .. لديها نحو 30 شهيد من أقرباء الدرجة الأولى سقطوا في أحداث الثمانينات .. بالإضافة ﻷخ فقد من وقتها و ما بيسترجوا حتى يسألوا عنو .. طبعا هالشي عادي !!
المو عادي إنها من الرعبة .. كانت تدعي لحافظ وبشار كل يوم !!!

 

‫#‏كنا_عايشين‬ !!

كان قريبي يخدم عسكريتو بلبنان.. كان يقلي كيف العسكري السوري الصغير ينزل بالكلاشنكوف على الشوارع و حكالي عن عسكري نزل ببارودتو و شاف سيارة مرسيدس جديده لمواطن لبناني و كسر القزاز و سحب المسجله و سرق الاغراض الي فيها و من ضمنها مسدس و صاحب السياره اللبناني متخبي عم يطلع من بين ستاير الشباك عالي بيصير بسيارتو و مو قادر يعمل شي …

 

 

‫#‏كنا_عايشين‬ !!

كان الي زميل بالجامعه ابن ضابط مخابرات يصيف كل سنه ببيروت .. و لما سالتو انو عندكن فله هناك قلي .. عنا فيلا كبيره و مسبح و جنينه هي للبناني “بيي ملبسو قضيه و هربان برا البلد !”

 

‫#‏كنا_عايشين‬ !!

Precious Pearl N

كمان عسيرة المعلوماتيه (ماتواخذني بقى اختصاصي ومحروق قلبي) بسنة 2005 والدي مريض سرطان قولون طالع علاردن ياخد علاجه الكيميائي ..داخل المطار بالكرسي المتحرك..بيوقفوه ويحتجزوه قال لانه الدولة الها عليه مليونين ليرة سوري لانه بسنة 1996 دخل عسوريا بسيارته من حدود درعا..وبحسب الشبكه عندن هو ماطلع السيارة من سوريا فعليه محكمه بدرعا وﻻزم يدفع المليونين للحكومه..ومابنساها يومين وليله مريض سرطان بسجن حلب المركزي ..اندفع فيهن نص مليون ليرة بسسسس لحتى ماينحط مع المساجين ويحتجزوه بالمستوصف داخل السجن بواسطات وصلت لدمشق..كله لييييش!!!منشان شقفة موظف غبي دخل عالكمبيوتر معلومات دخول السيارة وماسجل معلومات وتاريخ خروجها ..وقالونا ياها بالمفتشر بقى موظف الارشفه دخل علكمبيوتر معلومات دخول السيارة وماسجل معلومات خروجها…عرفت ليش ؟؟لانه عديم وقعدوه ورا جهاز كمبيوتر..الله ستر انه والدي بيعرف هلنظام الوسخ وكان محتفظ بالورقه الصادرة من حدود درعا بختم خروج السيارة لهيك قدرنا طالعناه تاني يوم بعد اسقاط الحق بدرعا..وصدرو كف البحث للمحافظات…مابتصدق انه ماشفي غليلي الا لماثاروا اطفال درعا حسيتن عميقلولي نحن الجيل الي راح يجيب الحق..واولن حق ابوكي ..حسيت الي ظهر بدرعا..بتقولوا كنا عايشين !!!

 

 

Waseem Al-Shami

طبيب رفيقي كان مناوب بمشفى حكومي اجى شخص قالو افحصني وهو مبين عليه طبيعي المهم دخل الدكتور ليفحصو فدخلت مريضة عندها نزف هضمي شديد و ضغطها متخفض بشدة ومغمى عليها فراح الطبيب مباشرة لعندها ليفحصها و يركبلا سيروم ويرفع ضغطها قام المريض الاول ركض لعندو وسفقو كف و مسكو من قميصو و دفشو عالحيط وقلو لك” انا عنصر امن بتفحصني قبل كل العالم ولاك” وقتها كلشي كان بالاسعاف سكت وطب راسو بالأرض وبعدها فحصو ومن يوما رفيقي ترك البلد ومشي
Martha Blair

بذكرمرة من زمان نزلت علشام انا واطفالي الاثنين البنت 4 سنين والولد اقل من سنة باسبورات اجنبية ، بعد الاستفهام من السفارة السورية قالو ان البنت مابدها فيزا لانها ولدانة بسورية …طبعا المعلومات كانت غلط ، بالمطار قال انت والولد بتفوتو على سوريا بس البنت ممنوع لانو مامعها فيزا…المهم انا وهالطفلين مضينا ليلة ونهارين بالمطار ..وماادراكم كيف مر الوقت علينا…بلا حليب ، بلا اكل ، بلا حفاضات، كراسي وسخة مابينقعد عليها…. وكلب يروح وكلب يجي من قدامنا شمتانين عم يتطلعوا علينا…كانت خميس ليلة الجمعة والكلب ابن الكلب العقيد سهران ومتقل بالسهرة ومافاق لتاني يوم اخر النهار. لياخدوا موافقته، طبعا مع السؤال انه اذا البنت عليها شي …وقال شو …كنا عايشين

 

Salah Ha

على ذكر الشلل
كان معي واحد بصف السابع مشلول وكان يقعد اول مقعد وبيوم من الايام بيجي مراقب من التربيه وبيدخل فجأة عالصف وبصيح الاستاذ
قياااااام كلنا منوقف الا هالعاجز المسكين وبقرب عليه المراقب وبيسلخو كف وبقلو ليش ما وقفت

بقلو استاذ انا مشلول اقسملك بالله صار يبكي الولد ونحنا بكينا معو
الاحلى من هيك حمل حالو ومشي ولا كأنو في شي
عم اكتب التعليق والدمعة مغرغرة بعيوني وكل ما بتذكر هالموقف بحس بضيق نفس
كنا عايشين

 

Rabia Atassi
مشلول منذ أن كان عمره ستة سنوات يسوق سيارة خاصة بالمشلوليين ، وقفه الحاجز وانزل ولااا ،
انا مشلول
انت كذاب انزيل
ولك ياعمي تعى وحرك رجلي وشوف اذا بحس وهي الكرسي بالباكاج
لا انت كذاب امزيل ، لاحول ولاقوة إلا بالله مشلوووول
طيب وبركب انت كنت عم الارهابيين وانشليت
طيب هي أوراق السيارة يلي عم سوقها من قبل الثورة وهي الأطباء وهي العالم كله بيعرفني بحمص اني مشلول بحادث سيارة

 

Morfie Al Shaar
#كنا_عايشين
ونحنا صغار ما كان عنا وسائل ترفيه اجمل من لعب الطابي بالشوارع و المدارس
وبيوم من الأيام كانت المدارس كلها زحمة فضطرينا نبحث عن مدرسي فاضي وكانت مدرسة الجلاء
يمكن حيطها اطول حيط مدرسي بالعالم المهم :
اول ما طلعت على الحيط شفت واحد قلي كام واحد انتو ودعاني نلعب ضدون لتفتت لجانب التاني لاسئل ابن خالي ازا بدو يلعب مابلاقي غير واحد مسك رجلي وشلفني من فوق لتحت
وبلش فيني ضرب ودعكلي لوصلت لجوا باب المدرسي
من سوء حظي المدرسي كانت مسروقة قبل بيوم
كان اول مرة بسمع فيها شخص بسب رب العالمين ما اثر فيني ضرب مثل الكفر وقتها خفت كثير واحد عم يسب الله شو رح يعمل فيني لكان وبصراحة وقتها انحصرت كثير
وقت صرنا جوا على اساس عم يحققو معي كمان كانت اول مرة بشوف فيها روسية والجو كان كالتالي مثل الافلام
طاولة سودة بلاستيك وكرسي بلاستيك اسود و روسيات ولمبة نازلي من السقف
يلعن سماهون من وين جابو كراسي بلاستيك سودا
المهم يا اخوان قلتلو للي عم يضربني بعطيك كل ثروتي بس تركني
كانت ثروتي وقتها مية ليرة اخدها وطالعني من تاني باب
وصلت للبيت حفيان وابن خالي يلي معي ضلينا ساعة ندور عليه من خوفو ما اجا للبيت
هالموقف خلاني لسنين خاف حتى من شرطي المرور
بس نفسي اعرف ليش الواحد من الخوف بشخ تحتو !!!

 

 

 

‫#‏كنا_عايشين‬ !!

كنت طالع عالجامعة .. أخدت سرفيس المركز … واللي بيمرق عند تمثال حافظ الأسد في مدخل المدينة
أحد السيدات … امرأة في عمر أمي .. طلبت من الشوفير ينزلها … قالت للشوفير: نزلني عند الصنم
صفعها أحد الجالسين في الباص كفا لا يمكن أن تنساه … وبالتأكيد أنا لن أننساه
صنم يا قحبة !! اسمو تمثال السيد الرئيس !!

لن أنسى شعور الذل لحظتها … على الاطلاق ..

 

Raed Safwa
على سيرة كنا عايشين اخي الكبير جاي على سوريةزيارة من فرنسا بعد غياب 14 سنة متتالية ففكر بهدية للوالدة فاختار المكروويف وكان شغلة جديدة .المهم وصل ع مطار الشام..استلم اغراضة و مرق على الجمرك..بعد اخد ورد.ومعالجة..عطاهن ليلي فيه النصيب..وطلع صار برئ علئ باب المطار.واز يفاجئ بعنصريين.جمارك طلبوه منه ان يتبعهم مع اغراضه.المهم طلعوه المشتركة كان دارجه هديك الايام..صادروا كل اغراضه.ليلي هنن المكروويف.زائد الهدايا التانية متل البارفانات وشوية البسة..كام قميص ع كام بنطلون.حتئ يوصل الرقم لل 30000 ليرة سوري.المهم حولوه اقتصادية 15 يوم توقيف بقصرالعدل بلشام ثم حول على عدرا لمدة شهرين..علئ واسطات و محامين وسمسمرة بلاخير عرض على القاضي..لما عرض على القاضي .هون المصيبة انوه اخي شق الباسبور السوري وزته بوش القاضي.، وقله حاكمني علئ الباسبور الفرنسي..فلوله الواسطات والدفع من تحت الطاولة كانوه حولوها لقضية امن قومي..المهم بلنهاية لما طلع تحت حكم محكمة..وسلموه اغراضه الخاصة..مالقئ 9000 فرنك فرنسي ليلي كانوه بلشنتاي.، ورجع على فرنسا وهاد وجه الضيف..هيك كنا عايشيين.

 

 

Abo Majed
السلام عليكم
صارت معي قصة
في أحد الأيام ذهبت مع جارنا لقسم الشرطة لأشهد أنه معين لأهله لاتمام معاملة تأجيل العسكرية وعند اعطائه هويتي للمساعد قال لي انت الآن موقوف لأنك مطلوب لفرع مكافحة المخدرات وتم ايقافي وفي اليوم التالي أخذوني للفرع وبعد يومين تم تحويلي لإدارة المخدرات العامة في دمشق وبعد 10 أيام من التحقيق وبساط الريح والدولاب تم اطلاق سراحي بسبب تشابه أسماء ثنائي ومن يومها حلفت يمين ما بشهد مع حدا ولا بدخل مؤسسة حكومية

 

بدون اسم
في ريع عام 1997ة كنت راجع البيت من احدى سهرات الشباب مع بزوغ الشمس وايام ربيع دخلت مدخل البناية وكان كبير جدا بناء قديم واذا بولد عمره حوالي 14 عام وضع بعض الكرتون تحته ونائم عليه . صحيته من النوم افهم منه شو حكايته . ادعى وقتها ان والده يعنل حارس ليلي في ورشات البناء وكانوا يسكنوا في تلك الورشات التي يعمل فيها والده وان والده ووالدته توفوا في حادث واخوته عند اعمامه في احد القرى المهم انه مشرد اخذته الى المنزل وانا افكر ما يمكننا ان نفعله لانقاذه من التشرد احضرت له الافطار بينما تركته يغسل وجهه وينظف نفسه وهو يفطر اتصلت بصديق لي كان معنا في السعرة وهو يمتلك ورشة تصنيه وهي عبارة عن منزل عربي كبير وبه الورشة فكرت ان يعمل عنده يتعلم مصلحة وبنفس الوقت يجهز له مكان للنوم في الورشة . سخر صديقي مني وبعد الحاح مني وافق على شرط ان اذهب بع الى مركز الشرطة واعلمهم بالامر واعلمهم بما ننوي فعله من ايواء وعمل وان احصل على موافقة من جهة مختصة او قانونية .

فعلا انتظرته حتى انهى افطاره واخذته الى احد اقسام الشرطة وطلبت الضابط المناوب وشرحت له بالتفصيل من البداية الى ما اتفقنا عليه انا وصديقي فضحك ضحكة صفراء واقترب من الطفل او الولد وصفعه كف طار الولد 5 امتار وعاود صفعه عدة مرات الى ان اعترف الولد انه سرق في بعض الاحيان اشياء تافهة بسيطة من اجل ان ياكل … عرضت على الضابط ما اتفقت عليه مع صديقي لكن بعد ان تكون اجراءات قانونية فاجابني انهم سوف يحولونه الى الاحداث وتحقيقات المهم حاولت ان استأذن وانصرف فطلب مني الاكرامية جلست وسالته على ماذا الاكرامية فكانت المفاجاة .. وكانت اجابته انك من عائلة معروفة وانه سوف يتم فحص الطفل وانه لو تم تحرير ضبط باني من احضرته في ساعات الفجر ربما اتعرض لتحقيق باني …….. لو ظهرت نتيجة فحص االولد انه ربما اعتدى عليه احد وهنا ربما يضعني الولد ضمن من اعتدوا عليه وخاصة اني ادخلته الى المنزل واحضرت له طعاما اخبرته بان العائلة كلها في المنزل فضحك اكثر وقال ربما تستدعى العائلة للتحقيق ايضا وانه سوف ينهي الموضوع بمبلغ 5000 ليرة ولن يتم تحرير ضبط وتنتهي مسؤوليتي عندها واضطررت فعلا لدفع مبلغ ما بعد مفاوضة لان 5000 ليرة مبلغ كبير وانتهى الموضوع .

 

 

Mohamad Rifai
كنا عايشين.
لما كنت طالب ادرس في رومانيا و عندما يحين وقت العطلة الصيفية و أريد النزول إلى سورية كنت طوال الرحلة بالطائرة اقرأ القرآن و استغفر الله ليس خوفاً من سقوط الطائرة و إنما خوفاً من تشابه الأسماء أو أن يكون أحد ما كتب تقريرا عني.
و عندما يكون معي أحد الأصدقاء أعطيه رقم هاتف أهلي في حمص و يعطيني هو رقم هاتف أهله، لكي يتصل بهم أحدنا في حال تعرض واحد منا للاعتقال و ما كنا نخرج من المطار حتى تنخلع قلوبنا من الخوف.

 

 

Heidi Aboud
ع سيرة #كنا_عايشين
بأحدى المرات راجعين انا و جوزي من امستردام الى دمشق و معنا شوية هدايا و في مطار دمشق
وقفونا الجمارك لمدة ساعتين بعد وضع الشناتي ع السكانر ….
التهمة كانت : تهريب اثار !!!
و كان الحوار التالي :
الملازم اول : ايلي شو هاد يا عمي ما تهربوا اثار ؟
جوزي : اي و الله يا حبيب شايف ….
الملازم اول : ماتتمسخر ماقلك تهريب اثار بتقلي اي و الله ؟
جوزي : شو بدي قلك يعني و اعتبرها تهريب اثار !
ما انا عم جبلكن اثار ع البلد شو بدكن احسن من هيك ؟
( طبعا المفاوضات تجري على قدم و ساق لخورفة جوزي بحق علبيتين متة و مصاصة )
انا هون ضجت و تعبانة من الاخد و الرد سحبت جوزي ع طرف قلتلو لك عطيه 50 دولار و خلينا نمشي …
جوزي براسو الف سيف ما بدو يدفع سنت …
الملازم اول : سمحلي قلك يا حبيب انو مضطر احجز الشناتي الى حين وصول نتائج فحص ال DNA ( مديرية الاثار ) .!!!
جوزي بعد ما طالع بلعو للملازم طالع الفواتير و فرجاه ياهن ليقنعو انو هدول مو اثار !!!
و بعد فحص دقيق للفواتير اقتنع جيمس بوند  و اعتذر عن سوء الفهم …
مع العلم انو الفواتير اللي شافهن هنن فواتير بارفانات و احذية و تياب و شوكولا … و ليست فواتير الاثار الافتراضية …!!!!
الاثار كانت عبارة عن ساعة مكتب انتيك
و بعض الفازات الكريستال ….

 

 

 

 بدون اسم
عسيرة كنا عايشين
كنت 2003 عندي 3 سيارات بيك اب كبيرة مغلقة و معي وكالات حصرية و انا المورد الوحيد بلمحافظات الجنوبية من القلمون الى حضر اخر ضيعة على حدود فلسطين يعني دمشق و ريفها درعا سويداء كلو
المهم بيوم سيارة من سياراتي واقفة بأمان الله عيمين
لطريق و اذ بتدخل سيارة تكسي صغيرة بنص سيارتي و بتدفشها قدر 20 متر السيارة يلي صربتنا كانت دايو سيلوا تخيلوا اديش كان مسرع لحتى قدر يدفش سيارة بيك اب هلمسافة
المهم في شب و بنت بلسيارة البنت طارت من الزجاج الامامي و تشوهت و تكسرت و كان بنطالها الجينز مشلوح لعند ركبها
و الشب تكسرت واجهته
اجت الشرطة و الاسعاف اخدوا البنت والصبي علمشفى و اخدوا السيارة علحجز
السيارة يومها محملة بضاعة بالدين بمليون ليرة
رحت علمخفر بيمسكني ملازم اول رئيس المخفر و بقلي بيني و بينه دبر حالك و دفاع لتخلص
قلتله انا مو زنبي سيارتي صافة و مافيها حدا هنن سكرانين و انت شفتهن و الولد مشلح البنت و عم يغلط هلشي كتبوه بلضبط و على علمك
قلي القصة كبيرة و انت مو فهمان شي
هات فهمني و هون بيدخل زلمة و معه مرافقة طلع واحد من زلام ابوه للولد يلي خبطنا و جاية يقتلني ضربني و ضربته و سحبت مسدسه منه و خرطشت و صارت قصة هدونا الشباب طلع ابوه للولد رئيس فرع منطقة بلساحل
والاحلى ابوها للبنت مدير مكتب وزير —- بوقتها
هون بلمختصر سامحوني علأطالة
دفعت للمشافي اجار عمليتات لولاد الكلب شي 600 الف و دفعت لشركة التأمين 200 الف منشان سيارتهن و رحت اسحب سيارتي من الحجز لقيتها فاضية مافيها الا الغبرة بضاعة بمليون ليرة
صلحت سيارتي و بعت السيارات لسد ديوني
و تركت البلد و مشيت 2004 مامعي شي
و من وقتها لليوم صرلي مغترب 12سنة ما نزلت الا مرة واحدة اعدت شهرين فقط لاتزوج و مشيت و مالح ارجع
كنا عايشين عن جد

 

 

Om Omar Ali
قريبتي بتشتغل آنسة مدرسة في مدرسة إعدادية لما بتشرح الدرس قالت حرب تشرين.. ننطلها بنت علوية طبعاً وقالتلها التحريرية؟؟؟؟ وانفتح نقاش تحريرية لا مو تحريرية والدليل كانو حيوصلو للشام وراح الجولان …. المهم طلبوها الأمن وبعد حفلة شتائم وقلة حيا.. انحرمت قريبتي من العمل بالحكومة هي وجوزها لأنو لازم كانت توضح انو الحرب تحريرية

 

Alla Oqoul

انا اردني ومن الأردن وصارت معي هالقصة
بال1998 رحنا على سوريا طلاب كشافة بدورة بدمشق وكان معنا باص نمرة اردنية بيمشي على البنزين مش الديزل واحنا مروحين العسكري السوري بيحكيلنا انه يا ريت تدفعو ضريبة اسمها ضريبة ديزل
قلناله يا رجل الباص مش ع الديزل ع البنزين…حكا ولو لازم تدفعو وكان طالب 10000 ليرة… المهم خلال 4 ساعات لطعنا بعز الحم رحنا ع مدير الجوازات واظنه من حمص وحكا روحو فاوضوه وفاوضناه واعطينها 1500 ليرة والأدهى والأمر انه الزلمة كتب على ورقة دخول الباص
الباص لا يستعمل الديزل وليس عليه ضريبة… !!!!!ولهف ال1500 ليرة

 

 

Kh Rw
كان عنا بيت كأنو فيلا بأحسن مكان بالمزرعة لسه متذكرته بالاشجار و الياسمين يلي حواليه اجت أمي الله يصلحها اتعرفت على جارة بالبناية و تبادلوا الزيارات و الود و لما قرر أبي يعمل ببلد بعيد تقربت هالمرة من أمي أكتر و طلبت منها تأجر البيت لقرايبينا و عرضت مبلغ جيد أبي وافق لانو لهجتن ما كانت الا كأهل الشام و المرة أخفت طبيعة عمل زوجها و تمر السنون و يقرر أبي يعود للشام و تنزل أمي لتتفاهم مع الجارة الصديقة على انهاء الاجار فاذا بها تقاجىء بتدخل زوجها الذي أعلن انه من الطائفة ال….كريمة و على صوته و هدد أمي انو تقبل بيع البيت له بمبلغ زهيد لأنو هو ابن حلال قال و لا يقبل تشليح البيت منها و الا فالبيت الو الو أمي خافت منه خاصة و لهجة مرته قلبت عالفور عالقاقية و فرغتلن البيت…كل ما كنا ننزل عالشام و نمر بالمزرعة و بيتنا ندعو عليهم و درينا بعد سنوات انو ابنن الوحيد مات بحادث سيارة و كنا هيك عايشين

 

‫#‏كنا_عايشين‬

في عام 2007 عملت حادث سير بمنطقة رنكوس ، طلعت على كومة بحص كان تاركها احد متعهدين الدولة على جنب الطريق وقلبت فيني السيارة واستقرت على ظهرها .
بس الحمد لله ما صرلي شي وطلعت من السيارة وانتظرت اكتر من نص ساعة ماكان حدا يجي رغم انو الناس رايحة جاية عم تبحلق فيني وتخفف تتفرج وتصور السيارة . حتى خطرلي اتصل على 112 وفعلاً خلال دقائق وصلوا اثنين شرطة مدنية عالموتور من مخفر رنكوس وبلشو يخانقوني لأني بلغت العمليات بحجة انو بكرا العمليات بتفضحهن . وبمجرد نزلو قلتلهن ماصار شي والسيارة مأمنة تأمين شامل بس اعطوني ظبط وخليني امشي . قام ضحك واحد فيهن وقلي شو الشغلة على كيفك بدنا نعرف شلون بدنا نكتب الظبط . انا فهمت قصدو واعطيتهن المعلوم قاموا هنة الاثنين قعدو معي على جنب الطريق وبلشو يحيكوا قصة الحادث حسب خبرتهن وكأنو عم يكتبو سيناريو بعناية تامة بحيث التأمين يتكفل بكلللل شي . وبعدها اخدوني عالمخفر وكان رئيس المخفر بفترة غيبوبة ( عفواً قيلولة ) بقا اضطريت اقعد حتى يصحى وخلال هالقعدة الشباب سألوني
بدك تتغدا ؟
قلتلهن اي والله
قالولي عطي الشب الفين ليرة يجيب اكل الك وللشباب .
خلصنا اكل قاموا سألوني
تشرب شاي ؟
قلتلهن منشرب
قالولي عطي الشب خمسمية يجبلو علبة ليبتون وكم كيلو سكر .
سألوني بتدخن ؟
قلتلهن لا
قالولي اي نحنا مندخن عطيه خليه يجبلنا دخان بطريقو .
وعلى هالمنوال حتى استيقظ سيادة رئيس المخفر ونزل من بيتو فوق المخفر لابس ومتشيك ومتعطر .
قالولو سيدي هادا عامل حادث وبلغ العمليات واعملنا اجراءاتنا
قلهن اي كذاب هادا في شي مخبيه علينا مشان هيك خبر العمليات .
خلوه لأرجع من السهرة .
وراح انقبر على سهرتو في احد كزينوهات المنطقة .
والشباب الطيبة هون ارتفعت عندهن وتيرة الابتزاز وبلشو يطلبو طلبات اكتر كرمال ما يدخلوني عالنظارة ويخلوني قاعد بغرفتهن .
من هون بطلقة خليوي ومن هون ميتين ليرة وهيييييك حتى شرف سيادتو من سهرتو وجاية دايخ عالآخر من الشرب .
قالولوا سيدي مشان الشب تبع الحادث شو نعمل معو ؟
قلهن خليه ينقلع ويرجع بكرا ياخد صورة الظبط هلأ مالي فاضي وقعها .
وفعلاً الشباب تركوني روح عالبيت بعد اكتر من ١٢ ساعة توقيف ودفع اكثر من ١٠ الاف ليرة ثمن كرامة ولقاء عدم اهانة .
وثاني يوم الصبح بيتصل فيني الشرطي وبقلي لاتعذب حالك رح ابعتلك الظبط مع سائق باص بس انت روح على كراج رنكوس واستلمو منو وعطيه خمسمية ليرة حلوان توقيع الظبط . رحت عالكراج واخذت الظبط من الشوفير واعطيتو ٥٠٠ ليرة قام قلي هي للشرطة ؟ قلتلو اي . قلي خود خليها معك يلعن ابوهن حرامية . قلتلو بلا ما يعملولك مشكلة انت رايح جاية عالخط . قلي اللي بدو يحكي حرف بدي اطلع فوقو بالباص .
وهيك انتهت قصة من كتير قصص كنا عايشينها لما كنا عايشين …..

 

 

Sherko  Ayoubi
جاري كردي كبسو عليه المخابرات عالبيت سنة ٢٠٠٠ بعد ما جارهم الحلاق كتب فيهن تقرير- شافو عندو كتاب تعليم اللغه الكرديه شحطوه هو و ابنو عأمن دوله و حققو معهم انو من وين جايبين الكتاب وكبو مي بالارض و كهربوهن . مع انو الكتاب الولد اشتراه من معرض الكتاب بجامعة حلب .

حاصله الولد لهلق بيتأتىء بالحكي و الاب بعد سنه مات .

 

 

لما كنت صف سابع كانت سنة 1996 كانت ماما عاملة حملة تنظيف للبيت و غاسلة وجبة الاسود كلو و محسوبتكم ما عرفت انو ممنوع نلبس تحت بدلة الفتوة ( البدلة العسكرية ) غيرالاسود فمت لبست بلوزة زهر و انا طبعا طفلة اول مرة بصير اعدادي
اجتني مدربة الفتوة و خلتني ازحف باحة مدرسة البعث كلها 4 او 5 مرات لحد ما توووووووووبت ايييييييييييييييييييييه

 

في آخر “تجديد بيعة للقائيد الفاطيس حافيظ الأساد” كنت أعمل كمتعاقد بمشفى الأسد الجامعي ويومها ارتفعت أعلام البعث وصدحت مكبرات الصوت بأغاني التأليه والتمجيد وانعقدت حلقات الدبكة احتفالا بهذا “العرس الوطني”… وساقونا كالأغنام بعد أخذ التفقد إلى قاعة المؤتمرات بالمشفى لكي نجدد البيعة للقائد الفذ… وعند باب القاعة استقبلتنا ممرضة من “الطايفي الكريمي” لتبخش إبهام كل واحد فينا بأداة حادة لكي يتسنى لنا أن نبصم بالدم على كلمة نعم في ورقة الاستفتاء…

لذلك أنا شخصيا لست بحاجة لهاشتاغ ‫#‏كنا_عايشين‬ كي أتذكر هذا العهر وأحقد عليه..!!

 

 

لجماعة كنا عايشين. ..
‫#‏كنا_عايشين‬ !!
بين ال94 و ال96 كنت بكلية هندسة الكهرباء بحلب .. و كان معي ابن رئيس فرع الحزب بحلب “فايز ابو دان” و الي صار بعدين محافظ طرطوس و فيما بعد “عضو” كبير بالقياده القطريه …
كان ابن رئيس الفرع كل يوم يجي بسياره جديده ليقعد بالكفتريا و ينجح بكل المواد بدون ما يحضر و لا محاضره و مو ناقص غير يعطوه دكتوراه فخريه بالهندسه بس لانو ابن ستين … عضو كبير بحزب كان ناهب الدوله و المجتمع !

 

 

واحد من قرايبيني اللزم كان يشتغل مدرس اعدادي. في يوم من الأيام سأله طالب شو رأيك بالحرب العراقية الايرانية. كان جوابه، كان من المفروض نوقف مع العراق لانها دولة عربية شقيقة او على الاقل نوقف عالحياد.

تاني يوم الصبح اخدوه المخابرات وستة اشهر على قتل وتعذيب واهله مو قادرين يعرفو وين. حرقو اعصاب اهله وعائلته ودمروه نفسيا لانه عبر عن رأيه. اخدوه شعره اسود وتركوه شايب.

هيك كنا عايشين

طارق فهلوي ولقتها على الطاير اقرأووها ممتعة

‫#‏كنا_عايشين‬

اجور الطيان في حمص اغلى اجر طيان في العالم والدليل هو التالي :
في عام 2001 انسحبت عالجيش واجا فرزي عالفرقة العاشرة اللي كانت ملقبة بالداشرة . وطبعاً كلو بفضل الله ثم الواسطة ، اثناء دورة الاغرار بقطنا طلبني قائد الدورة العقيد صايل حيدر وقلي انو اللواء الياس الشمالي قائد الفرقة طالبني .
وفعلاً تم تجهيزي ببدلة جديدة وبوط جديد ودخلت لمكتب اللواء . قلي
يا ابني من وين بتعرف فلان ؟
قلتلو معرفة مع الوالد .
قلي سلم عليه وخبرو انو مشي حال فرزك ولا تحكو مع حدا خلص انا مشيتلك امورك .
قلتلو سيدي وين اجا فرزي ؟
قلي بلبنان عند ضابط كتير محترم .
قلتلو سيدي ما بدي .
قام بهدلني وسبني وطردني من المكتب .
طبعاً كان قائد الدورة واغلب الضباط عم يتجسسوا عالباب ، وبمجرد طلعتي بلشت البهادل والشتائم على تطاولي ورفضي لواسطة اللواء قدس الله سره .
وبعد ما انتهت دورة الاغرار صار لازم التحق بقطعتي في لبنان ،
امي الله يخليلي ياها ضبتلي اغراض لدرجة انو معي اغراض احتمال 0,1% احتاجهن .
ورحت علبنان بشنتاية سفر اربع طبقات حتتفجر من الاغراض تحسباً انو ممكن اقعد فترة طويلة .
وكان التحاقي بقطعتي بتاريخ 16/11/2001/ وكان بصادف هاليوم اول ايام رمضان .
وصلت عالقطعة وطلبت ادخل لعند قائد القطعة حتى عرفو عن حالي وسلمو نفسي . وفعلاً وصلت لمكتب العميد عيسى ديب اللي كان بوقتها ضابط أمن الفرقة العاشرة ، ودخلت لعندو الساعة 8 الصبح وكان الأخ مباشر طعام . ما وقف عن أكلو وسألني انت من وين يا ابني ؟
قلتلو من ريف الشام سيدي .
هون صفن ووقف عن الأكل لما عرف اني سني ، وقلي :
والله انا صرلي صايم من اول رمضان بس ترا اليوم ماقدرت كفي صيامي لأني كتير تعبان وآفيني اتحمل وجع الراس .
قلتلو : الله يقويكن يا سيدي .
طلع الأخ مو عرفان ايمتا بلش رمضان وايمتا بيخلص .
وانتظرتو حتى خلص فطورو ونادالي وسألني :
هنت بتعرف تشتغل بالطينة ؟
قلتلو لا والله يا سيدي .
هون بلش كفر ومسبات على ضابط الذاتية اللي فرزني لعندو لأنو كان طالب منو طيان مشان الفيلا اللي عم يعمرها بضيعتو بحمص .
قلتلو سيدي انا بشتغل …
قام قاطعني وقلي مابدي اعرف عنك شي لا شو بتشتغل ولا شي انا بدي طيان وبس .
قلتلو سيدي محلولة ، انا بعطيك اجار طيان وانت بتجيب طيان خاص احسنلك ،
ضحك ضحكة خبيثة وانبسط اني فهمت عليه . وقلي شقد فيك تدفع كل شهر ؟
اتفقت انا وياه على مبلغ 8000 ليرة بعد مساومة ومبازرة كأني عم اشتري سلعة ،
قام سألني هلق شو حامل مصاري ؟
قلتلو معي اربع آلاف ،
قلي هاتن وبعد 15 يوم بتطلع بتجبلي الباقي وبتاخد اجازة ثانية ،
وفعلاً عطيتو المصاري وكتبلي اجازة 15 يوم وسجل عليها انها مكافأة رياضية كوني طلعت الأول بسباق الضاحية ، رغم اني بحياتي ما طلعت ضاحية ،
وبقيت على هالموال سنتين وشهرين حتى انتقل العميد وظهر مع انتقاله 80 عسكري كانو مختفيين وكلهن كانو يدفعو أجار هالطيان .
وقت اخدت الاجازة أول مرة وطلعت من مكتب العميد ، كان في رقيب مستلم القلم ، اعطاني رقم تلفون اهله وقلي سلملي عليهن وطمنهن عني . لأنو صرلي 3 شهور ما نزلت عالشام ،
وبس رجعت عالبيت بعد الظهر ، فرحة امي غطتها زعلها عالغراض اللي تعذبت وضيعت وقت عليهن .

هيك كنا لما كنا عايشين …..

 ابو عماد

حدث معي في احد شوارع الشام
كنت من العمر حوالي السادسة عشر عام امشي في احد حارات منطقتي على الرصيف
اعترضني احد الاشخاص وانهال عليي بالشتائم والصراخ طالباً مني النزول على الرصيب معللاً ( المعلم بدو يمر ) .
ادركت بلحظة انه شفير احد الضباط الذي يريد الخروج من مدخل بنايته وركوب السيارة ولا يجوز لاحد المرور من هنا
قلت حينها ،على راسي انت والمعلم بس لاتسب عيب عليك،

وانهال عليي بالضرب المبرح على مرأى جميع المارة وضابطه ايضاً.

 

في بداية التسعينات نجحت الى الاعدادية و كان عمري 12 او 13 سنة و من شدة فرحتي بالإعدادية و بعد عمل عطلة الصيف في محل ميكانيكي لتأمين مصروف الدراسة و توفيري حوالي 1500 ليرة قررت شراء بدلة الاعدادية نوع كوري و كانت في تلك الايام شي فاخر و ثمنها فيها مثل مابيقولوا لكني لم أجدها في سوق التهريب بحمص عند الجامع الكبير بسبب القياس الصغير الذي أطلبه فقررت الذهاب مع رفاقي و ابناء اقاربي الذين هم في عمري و معي في المدرسة الى العريضة اللبنانية لشراء البدلة من هناك بحكم وجودها و لرخص ثمنها و بعد ذهابنا لهناك وشراء البدلات لبسناها تحت ثيابنا حتى لا يراها افراد الجمارك على الحدود لانها تعتبر تهريب وعند الوصول الى المركز الحدودي اكتشف عناصر الجمارك ما نلبسه تحت ثيابنا فطلبوا منا ان نرمي ثيابنا كلها و نبقى عند النهر القريب من المركز طبعا للتخويف و الترهيب بأنهم سيرمونا في النهر وفعلا رمينا البدلات و اصبحنا كما يقال ربي كما خلقتني فتوسلنا لهم مع البكاء كما بكاء الاطفال ونحن حينها فعلا كنا صغار أننا لن نعيدها و اننا لا نريد البدلات و لكن نريد الرجوع الى اهلنا طبعا طلبوا منا مقابل ذلك ان ندفع ما بقي لدينا من مال حتى يتركونا نرجع الى حمص وفعلا من شدة الخوف و الترهيب اعطيناهم كل ما عندنا من اموال و تركونا بحالنا بعد أن سلبونا البدلات و الاموال و رجعنا ايد من و را و ايد من قدام و ذهب تعب اطفال ثلاثة شهور في جيوب لصوص سوريا
هذه حالنا حين كنا عايشين في مزرعة بيت الاسد الجحش و حميرهم لانه حتى الاطفال لم يسلم من شرهم و أذيتهم

كنا عايشين , كنا بس عايشين
صيف 1994 , قضيت عطلتي الأسبوعية في الرمال الذهبية وأخذت الحافلة المتوجهة إلى حمص بعد منتصف الليل ويبدوا أنني غفوت قليلا واستيقظت على صوت رصاص وصراخ التفتت حولي فوجدت الركاب على الأرض وكل نوافذ الحافلة مهشمة بفعل الرصاص
صعد إلى الحافلة أربع من شياطين جهنم , كل واحد منهم مترين بمتر وهم يكفرون بصورة مقذعة لم اسمع لها مثيلا بحياتي كلها وتمسك واحد منهم بعارضة الحافلة العرضانية وبدا يسدد الضربات برجليه على راس السائق المسكين وهو صامت لا يتلفظ بأي كلمة .
عرفت فيما بعد ان السائق المسكين تواجد بالصدفة بين سيارة المعلم وسيارة المرافقة ومنعم بالتالي من النضال ضد الصهيونية والإمبريالية.
عرفت في اليوم التالي أن السائق أصيب بإنفصال شبكية ونزف طحال حدى بالإطباء إلى استئصاله , وارتجاج دماغ ماعدا الذل والأذى النفسي بس هادا ماكان محسوب حسابه في دولتنا الممانعة , كنا عايشين ,صح

 

 

 

لما كان عمري 12 سنة نزلت سوريا بالصيفية ما لقيت ابن جيرانا الكنت العب معه بالحارة …. ولما سالت عنه ولاد حارتنا كله يقول ما بعرف ويسكت وهو حاطط راسه بالارض,,,,,

بعد سنين حكتلي امي … انه في واحد عطاه كم ليرة مشان يوزع اوراق بالحارة …… قال اجوا المخابرات بنفس النهار واخدوه للولد,,,, ولهلا ما حدا بيعرف عنه شي.

 

 

و بما أنو كنّا عايشين بلا ذكر اسماء من بعد إذنك

كنت راكبة بالتاكسي و الشوفير علوي حاطط سناسل لا امام الا علي ولا سيف الا ذو الفقار ، بكوني بنت محجبة ما حكيت معو ولا كلمة و خاصة إنّو علوي ، كل الحكي كان ” من عاليمين لو سمحت و عاليسار من بعد إذنك …
انا و نزلت من التكسي اكلت بهدلة ضليت عّم ارجف منها شهر و ما استرجيت افتح تمي ب ولا كلمة غير آسفة و حقك عليي و دموعي عّم تكرج مع العلم أني ما حكيت ولا حرف ولا غلطت
بس يقلي مناخيركم بالسما و مفكرين حالكم اولاد رئيس الجمهورية والله لو بتحكي حرف واحد بنسيكي حليب أمك و بخلي القرود السودي ماتعرف مطرحك
و بما أنو كنّا عايشين بلا ذكر اسماء من بعد إذنك

 

‫#‏كنا_عايشين‬
جارنا ابو علاء مساعد بالامن العسكري
لما كان يجي الضهر بعد الغدى بينام شي ساعتين او ثلاثة وبعدها يرجع ع المفرزة
جارنا ابو صطيف كان يطلع ع الدرج ع روس اصبيعو مشان لاسمح الله انو ابو علاء يسمع صوت ع الدرج ويقوم يلعن الكبير والصغير بالحارة كالعادة

 

‫#‏كنا_عايشين‬ !!

الي صاحب خدم عسكريه ملازم اول و كان يجيه راتبو “1800 ليره بالشهر” .. و بعد سنه طلب من قائد الكتيبه راتبو .. قلو قائد الكتيبه وكل الرقيب بورقه و خليه يروح يستلم راتبك .. وكل الرقيب و رجع و قلو لصاحبي قالولي انو راتبك مستلمو كلو ! ..
نزل صاحبي يشوف شو الموضوع .. لقى انو الرقيب مستلم رواتبو كامله ! ..
رجع لعند الرقيب و قلو انو انتي مستلم الراتب كامل فاطلاع فيهم احسن ما سلمك للشرطه العسكريه .. قلو دخيلك .. رواتبك كلها استلمها قائد الكتيبه و هددني انو ما خبرك و انو راح يلبسني قضيه انو كيف استلم راتب ضابط حتى لو بوكاله! …

جيش ابو شحاطه عم يشرشر عقائديه…

 

 

‫#‏كنا_عايشين‬
لم أعلم بأن تجديد جواز السفر في سوريا يحتاج لموافقة أمنية بكتاب مرسل من الجوازات الى فرع الامن و الذي بدوره يقوم بدراسة امنية مستفيضة
في عام 1999 كنت في صف الثالث الثانوي و صدف أن تجديد جواز السفر حان موعده و هي اول مرة حيث سابقا استخرجته و جددته من السفارة خارج سوريا و ذهبت كما أفادني المقربون لأتفاجأ بطلب موافقة أمنية من فرع أمن الدولة في حمص و فعلا ذهبت في تاكسي مباشرة و عند مدخل الفرع دخلت و كأني اتمشى في شارع الدبلان و فجأة … !!!!؟؟؟ صوت ينادي من الجانب اليمين و بلهجة نصيريّ النزعة و بحرف القاف المعقوف … هنت قلّي وين رايح .. تعال و لاا … فتوجهت إليه حيث يحمل رشاشه الروسي الصنع و فوهته للأسفل جالسا على كرسي في غرفة صغيرة فيها هاتف بأزرار من الجيل الاول … و يعيدها مرة أخرى …
وين رايح هنت شو مانك شافني قاعد هاني ؟؟؟!
العفو يا سيدي داخل لجوا بدي موافقة مشان الجوازات … و هاي الورقة …
هات لشوف …. و يمسك قبضة الهاتف و يضغط ثلاثة ارقام … احترامي سيدي ..ز في هاني … فلان الفلان … بدو موافقة للجوازات … حاضر سيدي …ادخل لعند المساعد .. لا استذكر الاسم
طيب شكرا
و دخلت و قابلة المذكور لاجلس للظهر دون اي سؤال و في نهاية الدوام الساعة الثانية ظهرا يأتي الجواب بأن العميد لم يأتي اليوم و تعال بكرا مشان يبت في امرك
في اليوم التالي نفس الامر الى الساعة الثانية ظهرا ليتم إبلاغي بالحضور في اليوم الثالث حيث العميد لم يأتي و فعلا حضرت في اليوم الثالث من الثامنة صباحا لأجد ملف قد تم تحضيره و كان جديدا و بدأت الاسئلة عني و عن الاهل و الاقارب و زوجاتهم و عائلاتهم و و و و و و تم التركيز على احدهم و أرادوا معرفة صلاته و زواره و أقارب زوجته و أصدقائه و تحركاته و غيرها و من ثم أتاني سؤأل مع جواب مع طلب
هنت بعثي و لا مو بعثي . عطيني رقمك الحزبي ؟
يعني لازم كون بعثي و متنسب للحزب و رحنا اتنسبنا و دفعنا اشتراكات عند رئيس الفرقة الحزبية و دخلنا في معمعة الرقم الجزبي و واسطة من اجل الاسراع في منحي إياه في اليوم التالي مع بحث عن واسطة .للانتهاء من الامر و كان الجميع يعطيك إطمئنانا بأن ذلك شيء روتيني
و استمر الحضور للفرع مع اعادة الاسئلة و الاجوبة نفسها لمدة 12 يوما ليتم اعطائي الموافقة في اليوم 15 من مدير الفرع مع طلب ان يتم اخبارهم بأي عملية ضد الوطن و طبعا تم التعهد بذلك شفهيا و بأننا حماة الوطن
اذا كان تجديد جواز السفر و مع واسطة للأمن 15 يوم و في ناس شهر لكل موافقة و تقولوا كنا عايشين

 

 

في عام 2005 اشترى مواطن من الرستن قاطرة ومقطورة جديدة وكان اثناءها الراس تبع القاطرة الحديثة بحوالي خمسة ملايين ليرة سورية
المهم الزلمة فرحان ومكيف واذا بيفيق الصبح مابيلاقي الراس وبيلاقي المقطورة بس راح الزلمه قدم بلاغ وهيك وكذا وهالاجراءات الروتينية وصبر فتره ولاجديد
وبعد فتره اتصل عليه رفيقه قله الراس موجود باللاذقية وشافوا بالصدفه المهم الزلمة ركب بالبيك آب تبعو وشد عاللاذقية وكان رفيقه بيستناه وجد الراس مصفوف امام احد مكاتب بيع السيارات المهم توجه عالشرطة فورا وشرحلن الوضع وطبعا معو اوراق الراس ورقم المحرك وكافة الاوراق الثبوتية وبعد مارشاهن ب1000 ليره عشان يطلعوا معو لانو مافي بنزين اخدن عالمكتب واذ بيقلو الشرطي
ارجاع ارجاع …
تفاجأ الزلمي قلو ليش هاي سيارتي وهاي اوراقها وبدي ياها
قلو الشرطي العوض بسلامتك هذا احد مكاتب شيخ الجبل محمد الاسد وانا برايي تهرب بريشك لانو اذا طالبت فيه يمكن يقوسوك وماحدا يعرفلك طريق
طبعا الشرطي صار يرجف قلو بعطيك 10000 ورجعلي ياها
قلو اذا بتعطيني مليون مابسترجي قرب عالمكتب لانو بروح فته حمص
المهم الزلمة رجع وهو عبيبكي شغل عمرو كلو بالجزائر ضاع
رجع الزلمي باع ارض واشترى الراس تبعو من المكتب ب 3 مليون ليرة بعد ماقلهن انو الو بس قلن والله انا جاي اشتريه وطب يمين انو ماقال لحدا
وتوتي توتي خلصت الحتوته

 

‫#‏العربي_الجديد‬:

هكذا عاش السوريون ما قبل الثورة

كانت الحيطان لها آذان، وأحياناً تسجّل الأصوات والتحركات. مع الخوف من الاعتقال على خلفية تسجيل إعجاب يندد بفساد الدولة، وتهم تهديد أمن الدولة والتقليل من هيبتها… هكذا عاش السوريون في عصر ما قبل 2011، وكأنهم ركبوا آلة الزمن إلى حقبة تاريخية جديدة، متفائلين بغدٍ أفضل. استذكر السوريون تلك الأيام، على صفحاتهم على مواقع التواصل. وعلى وسم ” ‫#‏كنا_عايشين‬ ” تذكّروا بطش النظام السوري عبر ممارساته اليومية.

 

وكتبت حنين: “في فترة طفولتي، اعتقدت أن حافظ الأسد، هو رسول من عند الله، جاءنا مخلصاً، لحين وعيت وعرفت أنه مجرد رئيس للبلاد”. وتابعت “مرة، كنت مع أمي في السوق والشوارع مليئة بعناصر الأمن، انتظاراً لكلمة الأسد في مجلس الشعب بعد مقتل الحريري وانسحاب الجيش السوري من لبنان، قلت لأمي ببراءة الأطفال “بركي اغتالوه” لن أنسى نظرات رجل الأمن في زواية شارع العابد، وصفعة أمي”.

 

 

 

وكتب مالك: “في عهد بشار، خطر لصاحب معمل بسكليتات في حمص أن يضع لافتة معدنية في منتصف الطريق العام كتب فيها ثلاث كلمات “استغفر الله العظيم”… من وراء هذه “الجريمة النكراء” مكث الرجل في أقبية المخابرات نحو السنة ولم يخرج إلا برشى قاربت المليون ليرة”.

 

. وقال محمد الدمشقي: “في المرحلة الابتدائية، كان المدرسون يتبعون سياسة حشو محبة الرئيس وعظمته اللامتناهية في عقول الطلاب، لدرجة أنهم كانوا يصفوه أحياناً بأوصاف خارقة خارجة عن المألوف، وفي أحد السنوات كان لدينا مدرس يقرأ لنا عن القائد والحزب، ويسمع للطلاب بعدها واحدا واحدا، ومن لم يحفظ كان يقف في الزاوية أمام سلة المهملات لنهاية الدرس حتى يأتي وقت العقوبة وهي الرفس والضرب بالعصا”.

 

وكتب باسل: “كان لي صديق مدرس ابتدائي بضيعة نائية بريف حلب، فأراد أن يستأنس بالقرآن في وحدته على قوله، علماً أنه غير ملتزم إطلاقاً، فبادر بتحفيظ طلابه للقرآن في أيام العطل، وفرحوا فيه أولياء أمور الطلاب وأهل الضيعة، وما مضى عليه شهر وكتب فيه تقرير، وبعد واسطات ودفع مئات الآلاف ليفرج عنه”.

 

 

ودون أحد الطلاب “عند تجديد البيعة عام 2007، كنت أسكن في المدينة الجامعية بدمشق، أخرجونا في مسيرة عفوية رغماً عنا، وفي اليوم التالي أخذونا للانتخاب، وبحكم أنني أول مرة انتخب صار عندي فضول لقراءة البطاقة، عندها صرخ بوجهي المسؤول عن الصندوق قائلاً: “يلا حط نعم وأحّط”.

 

 

Sherko Ayoubi

عأيام حافظ الاسد : دخل ابوي عالبيت متلبك و بإيدو شريط فيديو و امي سكرت برادي البيت و هي خايفه . صار عتمة و بلشو يجو رفقات ابوي و امي و يدخلو عالساكت و كأنو عندهم اجتماع سري و رح يعلنوا الانقلاب عالحكومه . صار المسا و اكتمل العدد و و العالم مو ملاقيه محل لتقعد و ابوي حط شريط الفيديو و شغلو و الصوت واطي . طلع فيلم كوردي اسمو مم و زين بيحكي قصة حبيبين متل روميو و جولييت . نعم يا سادة #كنا_عايشين بس كنا حتى نخاف نشوف فيلم حب ناطق باللغه بالكرديه .

 

Maysa Yamam Alsham Alshami

كنا عايشين عيشة ولاأحلى من هيك …بليلة من الليالي بيشعر سكان البناية يلي فيها كمال الأسد بأنو البناية عم تتحرك فظنوا أنها هزة أرضية فنزلوا فورا للشارع وبعد شوي بتسقط البناية ….ماحدا غيرهم كان نازل للشارع …..هي الهزة ماكانت من الله ….هالهزة عملها كمال الأسد بأن أزال عمودا من بيته …وليش ياحزركن …لأنو سكان البناية رفضوا يبيعو بيوتهم لكمال الأسد ….هالقصة صارت باللاذقية

مشان ‫#‏كنا_عايشين‬.مرا كنت رايح على الزبداني كنت مشارك بي مهرجان اسمو سوار الشام المهم وانا رايح عطريق بطلع من كراج السومريه بدي اشتري باكيت دخان رحت اعند صاحب محل بسومريه عطيتو مصاري وقلتلو بدي باكيت قام عطاني باكيت بس الباكيت  صير لونه اسود من الوسخ قلتلو ما بدي الباكيت بدي غيرو .

قام وقف وقال قريييد وفي عندو شي خمس قرود وطلع وبلش ضرب كفوف ولبط متل الحمير ووين بوجعك واكلة آتله مرتبه ولاحد اقف اوحجز ورحت مكسر شووووووووكنا مستعبدين قال عايشين

على سيرة ‫#‏كنا_عايشين‬
اخي خلص دراسة حقوق والكل بيعرف بتخلص جامعة وبتروح بتقعد بالبيت وبتستنى فرج الله او شي واسطة بشي بمسابقة
المهم مابدها طولة سيرة فكر يروح يشتغل ب ‫#‏حمص‬ راح استأجر محل وبلش شغل وبما انو صاحب المحل الي مقابل محل اخوي ‫#‏علوي‬ ما عجبو واحد ‫#‏سني‬ يفتح جنبو وكمان يروح يصلي بالجامع
فسلخوا التقرير وبلغ جماعتو وهجموا جماعة قررررررد على المحل كسرولوا المحل سرقوا البضاعة والمصاري واخدوه على الفرع والتهمة كانت جاهزة ‫#‏جند_الشام‬ وهاتوا على تحقيق ونحن نتصل مانعرف وينو بقي أسبوع كامل بالتحقيق بعدين طالعوه وقالولوا لا تواخذنا خربطة بالأسماء .

 

 

 

‫#‏كنا_عايشين‬
بإجدى الزيارات لسوريا بسنة ال 2010 كنت نازل أنا وعيلتي من دبي لمطار الشام , وصدف أني كنت مجدد جواز سفري بالقنصلية بدبي وما أخدت الجواز القديم معي باعتبار أني حطيت الإقامة عالجديد , وقت بدنا نختم الجوازات كان اللي ورا الكمبيوتر شخص برتبة مساعد أول أصر أني أعطيه الجواز القديم ورفض أنو يدخلني مع أنو ختم لزوجتي وبناتي و قاللهم ادخلوا ,أما أنت بدنا الجواز القديم لأنك خرجت به , فقلت له ما القنصلية تابعة لسوريا ولا لبلد تانية , وبعد مناقشة طويلة وبعد انتظار شي عشر دقائق وركاب الطيارة كلهم دخلوا تقريباً قلي ( حط خمسمية بالجواز وعطيني ياه ) قلتله هون بالمطار قلي اي قلتله في كاميرات قلي ولو , المهم ما ختملي دخول لحتى أخد خمسمية ليرة وبالمطار , العبرة أنو ببيعوا الوطن كله كرمال 500 , وهيك كنا عايشين

 

“محمّد حربا” الذي كان وزيراً للداخلية السورية منذ 1987 وحتّى 2001.. سلّم يوم انقلع منها -أي الوزارة- نحو مائتي سيّارة.

يومها “في كفرسوسة”.. اثنان من الضبّاط الجدد و أنا بذلنا جهوداً حثيثةً كي نتفرّج عليها -أي السيّارات- فلقد كان كلّ واحد منّا يفكّر ليل نهار بالطريقة والوسيلة (بالأحرى الواسطة) التي تمكّنه من استلام سيّارة بيجو 504 أو فيات أو لادا.. وكلّها من موديلات سبعينيّات القرن الماضي.

ثمّة سيّارة “جيب” من نوع “شيروكي” ربّما، كانت من ضمن السيّارات المستلمة، حتّى إذا تملّك الفضول أحد رفيقيَّ.. أصرّ أن يعرف لمن هذي السيّارة.. أي مَنْ مِنْ ذوي الوزير كان يستخدمها؟!.
كان جواب “حاجب الوزير” سريعاً و واضحاً و صريحاً: هذه الجيب كانت مخصّصةً لسوزي!.

قبل أن أخبركم من هي “سوزي”.. سأذكر أنّ معدّل التكلفة السنوية للسيّارة الواحدة “ما بين و قود و اهتلاك وإصلاح و استنفار و مهمّات و تخصيص سائق” و ما بين سيّارة قديمة و أخرى حديثة.. واحدة مازوت و واحدة بنزين.. سيّارة ركوب وسيّارة خدمة، كان يبلغ نحو مليون ليرة سورية.
و مع افتراض أنّ “محمّد حربا” قضى وزيراً للداخلية عشرة سنوات و ليس أربعة عشر عاماً فإنّ مائتي سيّارة كلّفت ملياري ليرة سورية لأنّها كلّفت في السنة الواحدة مائتي مليون ليرة، وهذا كلّه مع عدم حساب مدّة خدمة المومأ إليه وزيراً للإدارة المحلّية و مُحافظاً لحماة.

المعلومة ما قبل الأخيرة هي أنّ ميزانية “سورية” كلّها -في تلك الحقبة- من الحسكة إلى بانياس و من طيسيا “و هي آخر قرية في جنوب السويداء” إلى “سرمدا” التي في أقصى إدلب.. لم تتجاوز مرّةً خمسين مليار ليرة سورية (يعني استهلكت سيّارات الوزير ما يعادل نحو 4% من الميزانية.. بالأحرى: ممّا تبقّى من الميزانية الحقيقية) .

أمّا المعلومة الأخيرة -وقبل أن تنسوا- فهي أنّ “سوزي” كانت تفضّل ركب سيّارة “الشيروكي” لأنّها سيّارة تُتيح لها ممارسة هوايتها المُفضّلة و هي النُباح من خلال شبّاكها العالي على المارّة و “شرطة المرور” في أبو رمانة وشارع الحمراء.. أو في حيّ القُصور، فلقد كانت “سوزي” كلبة إحدى قريبات الوزير.

بالفعل.. كنّا عايشين!.

 

‫#‏كنا_عايشين‬

بسنة 1996 كنت عم ادرس بالثانوية وبيوم من الايام وببداية الدوام بيطلع مدير المدرسة سلمان شاهين اللي هو بالأساس رئيس الشعبة الخامسة للحزب ، ببلغنا شوية تعليمات ،
– بكرا الكل بيجي مدني ، ماحدا بغيب ، ماحدا بجيب معو اي شي ، اي شي ، لا اكل ولا شرب ولا مفاتيح ولا كتب ولا دفاتر ولا اقلام ، يعني بتجو لابسين اواعي مدنية وبس ،
نحنا هون ماحدا فهمان شو القصة وماحدا عرفان شي وبلشت التكهنات والتخمينات ، بس طبعاً كنا مبسوطين لأنو تاني يوم مافي دراسة ، وفعلاً تاني يوم اجينا عالمدرسة حسب التعليمات ، وكان في باصات نقل داخلي واقفة بانتظارنا ،
وقفونا وفتشونا وتأكدوا انو ما معنا شي ورددنا الشعار ( اهم الشي ) وطلعنا بالباصات ياغافل إلك الله ، وراحت الباصات فينا لمطار دمشق الدولي ، نزلنا بساحة المطار عند المدرجات ، كان المدرج مليان عناصر امن وكان في اكتر من عشر مدارس كمان بالمطار وكملت فرحتنا لما شفنا في مدارس بنات ،
وقفونا بانتظام وبلشوا بالتعليمات :
– اسماع هنت وياها وياها بعد شوي بدو يوصل سيادة الرئيس جاك شيراك وبدو يستقبلو سيادة الرئيس القائد حافظ الأسد
نحنا منقلكن ومنعلمكن شو تعملوا بس فهام ولاك من هون تا يجي سيادتو
– ماحدا بيتحرك إلا بأمر
– ماحدا بيقعد
– ماحدا بيسأل شي
– ماحدا ماحدا ماحدا …..

وراح ضابط الأمن وتركنا بأرض هالمطار، هالحكي كانت الساعة حوالي العشرة الصبح ، وبلشت تحركاتنا الشباب حولين الصبايا وبلشت الصبايا تعيش حياتها وهيييييييك بعد شي اربع خمس ساعات من الوقوف المستمر تحت الشمس بدون اكل ومي ماعاد حدا داير على حدا لاشب على بنت ولا بنت على شب صار كل واحد ربي أسألك نفسي ، الشاطر اللي بدبر واسطة يجبلو كاسة مي يشربها لأنو كمان الاكل والشرب ممنوع مشان ما نحتاج الفوتة عالحمام ، واستمرت هالحالة لبعد العصر وبلشت البنات تتساقط وهالشباب تتلقاها وكل شوي مانشوف إلا كم شب حاملين بنت مغمى عليها وراكدين فيها وأكتر شي بيزعج لما كنت تشوف بنت مستورة مغمى عليها وهالشباب حاملينها ، وطبعاً كل هالوقت اهالينا ما بيعرفوا عنا شي لأنو ماكان في موبايلات بوقتها (مشان المومانعة والمقاومة )، وحوالي الساعة ستة اجا سيادة الضابط وعطانا الأمر بالتحرك ونصف صفين متل حرس الشرف من مكان مابدها توقف الطيارة لمدخل قاعة الشرف بالمطار وقلنا بس قلكن بتبلشو تهتفو ( ڤيڤ اسد ڤيڤ شيراك ) وبس أشرلكن بإيدي بتخرسو ،
المهم بعد شوي نزلت هالطيارة وطلع حافظ الاسد من قاعة الشرف باتجاه الطيارة مع المسؤولين وهالة من عناصر الامن ، استقبل جاك شيراك ومشيو بيناتنا ونحنا عيونا عالضابط مشان ما نخربط ونهتف مع الحركة ، وفعلاً مرت الشغلة بسلام ، وراح الرؤساء مع المسؤولين وعناصر الامن وبقينا بساحة هالمطار والدنيا عتمة وبلشنا ركض باتجاه الباصات وماحدا عرفان لوين هالباص بروح ، المهم نركب ونرجع ونطمن اهالينا ، اللي ساكن ببرزة طلع بباص المخيم واللي ساكن بركن الدين طلع بباص القدم وانا طلع من حظي باص كراجات العباسيين ، ووصلت عالبيت منتهي من الجوع والعطش والتعب والقهر .
كان عمري وقتها 15 سنة وكل الطلاب كانوا بعمري تقريباً ، يعني ولاد ، ولاد بظل القيادة الحكيمة ، ولاد بظل الامن والامان ، ولاد بظل العز والفخار ، ولاد وكنا هيك عايشين …….

 

Mahmoud A Ammori
صديق لي في جامعة حلب كلية العلوم اختصاص فيزياء درس 4 سنوات و بعد ما تخرج راح يستلم الوثيقة و بعد معاناة يوم كامل وطوابع و اختام و رشاوي من الاذن للعميد استلم الوثيقة و بوسها و فرح فرح عظيم وهو نازل بدرج العلوم باتجاه ساحة الجامعة قرا الوثيقة فاذا بالوثيقة تقول بانه خريج كيمياء والله جلس تحت الشجرة و بدا يتذكر انا درست فيزياء ام كيمياء و الرجال مستعجل عليها عشان السفر فبل الجيش لاني كان باقي ايام على سحبو رجع يغير الوثيقة فتحو معو تحقيق اكتر من شهرين و تشكلت لجنة و اتهمو انو مزورها وووو و بالنهاية الشب انسحب ع الجيش و راحت عليه الفيزا اللي شاريها بمبلغ لا يقل عن 150 لل 200 الف و هيك راح الشب ع الجيش و عاش و انجقم من البسط و الكيف لدرجة انو فكر يشكل فرار قبل الثورة بسنتين لاني مو قادر لا ع الخدمة ولا قادر على تحمل المسبات و الشتائم و هكذا كنا مجقومين بسط….

 

 

‫#‏كنا_عايشين‬
مابعرف هالقصة بينطبق عليها مفهوم (كنا عايشين).
قصة طويلة شوي بس اضطريت لأنو لازم تنذكر كل التفاصيل :

مابدنا ننسى معاناة الشعب اللبناني اثناء الاحتلال الاسدي لبلدهن .

بهالزمنات وبسنة 2003 كنت اخدم جيش بلبنان وكان معي شب من الشام بيشتغل سائق عند العميد راغب حمود رئيس فرع الاشارة بالفرقة العاشرة وبيوم من الايام العميد بعتنا انا وهالسائق عالشام مشان نصلح السيارة بس ماكان معنا مصاري وقتها , اضطرينا ناخد قطع تبديل من مستودعات الجيش وننزل على شتورة نبيعها ونروح نصلح السيارة بحقها , بس عالطريق عملنا حادث مع سيارة لبنانية موديل سنتها والسيارة كانت لضابط بالجيش اللبناني بس السيارة مدنية يعني سيارتو الخاصة , والحق علينا 100% لأنو الشب اللي معي كان ماشي بطريق عكس السير مشان يختصر شوية وقت ,
المهم : نزل صاحب السيارة اللبنانية وسيارتو مكسرة وبكل هدوء اتصل بشركة التأمين وخلال قائق وصلو وبلشو تصوير بمكان الحادث وبعد شوي اجت شرطة السير اللبنانية وبعد انتظار طويل شرفت الشرطة العسكرية السورية ,
وبعنجهية وغطرسة واستهزاء : شو مايسوو هالكرارة ؟
– سيدي عم يصورو الحادث
– مين هالجحيش ؟
– شركة التأمين سيدي
– شوف ولا كر انا رح نفدك من كل هالقصة بس بدك تروقنا ها
– امرك سيدي شوبدك انا جاهز المهم اطلع من هالمشكلة .
– امممممم تعا ولا تعا (نداء لصاحب السيارة اللبنانية)
– عالعافية ريس
– شو كيف هيك صار الحادث ؟
– والله ياوطن ماشي بأمان الله والشباب ماشيين بعكس السير وصار الاكسيدان .
– شربان شي هنت ولا ؟ مانك شايف سيارة الشباب عالتراب جنب الطريق ؟
– اي شو يعني ؟ ماهنة ماشيين عكس السير ودخلنا ببعض وسيارتهن زاحت عالتراب .
– هنت لو صاحي كنت هربت منن بس هنت الظاهر متقل بالشرب مبارح ودايخ .
المهم هلق اصرفلي تبعات هالتأمين وبلا مسخرة . لأنو مصاري آفي . بدك تشتكي نزول عالمحكمة العسكرية بالمزة وبتضلك تنزول وتطلع عالشام شي عشر سنين وبعدها بيحكمولك عقوبة للسائق , بقا خلينا نختصر الوقت وشو بدك عقوبة انا بنفذلك هية بالسائق فورا . حلاقة عالصفر او قتلة او حبس بالقطعة او نقل لمكان بعيد …. شو بدك بنفذلك الحكم هلق بس غير هيك ماتحلم وعوضنا وعوضك على الله .
اللبناني جن وقلو انا ضابط بالجيش وهلأ بتشوف
رفع التلفون واتصل بمدير مكتب غازي كنعان العميد وليد اباظة
وبلش يشرحلو شو صار بقمة الادب والصوت الخافت
العميد وليد طلب يحكي مع السائق:
– اسمعني ولا . وين كنتو نازلين ؟
– عالشام سيدي
– سيارتكين بتمشي ؟
– اي سيدي
– شغل وامشي وروح كمل مهمتك وقلعوه لهالكر
– بس سيدي في شرطة سير وشركة التأمين وعالم كتير
– سمعتني ولاك حيوان , شغل سيارتك وامشي وماترد على حدا وقلعوه لهالحيوان .
وشغلنا ومشينا وتركنا زجاج سيارة اللبناني على الارض مخلوط مع الزيت والماء ودم محروق ………

هيك كانوا عايشين متل ماكنا عايشين بالزبط