أخبار عاجلة
الرئيسية » فيسبوكيات » رنيم : يخرب بيتهم الشبيحة وصلو الى تنزانيا

رنيم : يخرب بيتهم الشبيحة وصلو الى تنزانيا

من المواقف البتهوي اللي صارت معي بمدينة دار السلام بتنزانيا، اخدوني رفقاتي المو سوريين على مطعم سوري.. قال صاحبو هربان من سوريا ومطالع ولادو شباب مشان ما ينشحطوا عساكررحنا ونحن زعلانين عليه
وانا قاعدة عم باكل بكل براءة وإذ بيجيني صوت صاحب المطعم يلعلع من بعييييد “لك تفوووو على كل رئيس وزعيم عربي”
أنا فيل لايك “الله حيوووو”
فقال عمو صاحب المطعم متابعاً “ولك صرماية الدكتور بشار بتسواهن كلن”
أنا فيل لايك غصيت ووقفت اللقمة بحلقي بالعرض وزورت كل رفقاتي المو سوريين على هالاستفقادة “دي حااااج”

المهم بلا طول سيرة وصلنا بالحديث إنو يا عمو صاحب المطعم بيكفي انو بيت الأسد سرقونا أربعين سنة وشوفة عينك رامي مخلوف مثلا… لك هاد لحالو بدو ثورة!
قال ليش؟ شب واشتغل وصار عندو مصاري من عرق جبينو! شو مشكلتك معو إنتي؟!
فضحكت وضحك رفقاتي المو سوريين وضحكوا ولادو لصاحب المطعم وحتى الغراسين الطنزانيين انفجروا من الضحك وكلنا فيل لايك “يلعن دينك على هالخرطة يا عمو صاحب المطعم”!

وطلعنا من المطعم ونحن لسا زعلانين عليه…



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع