أخبار عاجلة
الرئيسية » فيسبوكيات » أنس الحكيم : حادثة مذهلة حدثت معه في ألمانيا لا يصدقها عقل

أنس الحكيم : حادثة مذهلة حدثت معه في ألمانيا لا يصدقها عقل

قصة صارت معي مستحيل انساها …
يوم التلاتا الماضي رجعت من الجامعة وكنت تعبان ومرضان بشكل مو طبيعي وحرارة عالية والوضع كان جداً صعب , فسحبتها نومة ليوم الخميس الساعة 6 المسا (بشكل متقطع بس بصعوبة نتيجة ارتفاع الحرارة) والخميس المسا حاكتني صديقة ألمانية بهانوفر كتير غالية عليي وماتركتني من وقت ما اجيت عألمانيا وبأمنلها بكلشي , وحست انو صوتي مالو على بعضو وقالتلي شوف حرارتك وريح حالك وعل 10 المسا بحاكيك وحكينا شوي عل شات مع حبيبنا أبو الروض وكمان عرف اني مرضان … المهم انا هون رجعت نمت وخليت الموبايل شغال عادي مشان اسمعو وقت يرن …
الساعة 12 ونص بنص الليل مابلاقي غير الباب بلش يرن بشكل قوي ويادوب قدرت اسمعو , فزيت بسرعة وانا مدودخ ومالاقي غير شرطي وشرطية علباب (وطبعاً انا هون فكرت بيني وبين حالي انو شو عامل اليومين الماضين ومالي دريان؟!) :
قالولي أنس الحكيم اجانا تلفون من هانوفر انو انت مريض وماعم ترد عل تلفون وقلقانين عليك كتير !! قلتلها اي انا صرلي يومين مرضان وادنيي مسدودة من المرض وماعم ققدر اسمع منيح , قالتلي طيب نطلبك اسعاف ؟ لازمك دكتور ؟ في اي شي ممكن نساويلك ياه ؟ قلتلهون لأ بس بدي راحة , قالولي اوك اتصل فيهون لجامعة هانوفر وخبرهون انو امورك تمام لأنو كتير غليان قلبهون , قلتلهون اوك وتشكرتهون على حسن تعاملهم معي كمواطن في هذا الوطن
بعد ماشفنا الموبايل لقيت شي عشرطعشر مكالمة من صديقتنا ومن حبيبونا ابو الروض وفوراً حاكيناهون وتاري الجوز منسقين مع بعض وابو الروض محاكي المشفى يلي جنبي ليتأكد اذا انا هنيك اسعاف ولا لأ , وهية محاكية شرطة هانوفر وشرطة هانوفر محاكية شرطة برلين وشرطة برلين فارزتهون لعند الفرع تبع المنطقة يلي عنا .. بهل لحظة حسيت حالي اديشني شخصية مرموقة ومالي دريان



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع