أخبار عاجلة
الرئيسية » فيسبوكيات » زياد الصوفي: اللي ما عاجبوا، و اللي بدي يتبوجأ من خبر تحرير معتقلي تدمر، حاجة تنظير و غلاظة و اكل هوا ..

زياد الصوفي: اللي ما عاجبوا، و اللي بدي يتبوجأ من خبر تحرير معتقلي تدمر، حاجة تنظير و غلاظة و اكل هوا ..

اجاني خبر اخلاء سبيلي من سجن تدمر قبل خروجي بليلة واحدة ..
ليلتها ما نمت و لا لحظة و انا عم صلّي بقلبي انو ما يغيروا رأيهون خلال الليل..
فبعد كل المشاهدات ، و بعد كل لحظات الخوف اللي بتعيشها هونيك ،بتوصل لقناعة انو بحياتك ما رح تطلع خارج حيطان هالسجن، و انو صار واجب عليك التأقلم مع كل تفاصيل حياتك هونيك ..
من تجربتي الشخصية عم اكتب هالبوست و انا بكامل قوايي العقلية و بعد سنين طويلة من عودتي الى الحياة ..
لو فقت بيوم من الايام على صيحات اللاة و الْعِزَّة طالعة من حناجر كُفَّار قريش ، و جايين من خلف أسوار سجن تدمر يفتحوا الأبواب لتحريري مع زملائي ، لحملت ابو لهب على كتف ، و ابو جهل عالكتف التاني و اخدتهون لفّة من تدمر لحمص..
بقا اللي ما عاجبوا، و اللي بدي يتبوجأ من خبر تحرير معتقلي تدمر، حاجة تنظير و غلاظة و اكل هوا ..
الحرية لسجناء تدمر كائناً من كان اللي حررهون..
فكروا فيهون شوي ، بتهون عليكون ذقون من سيحررهون..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع