أخبار عاجلة
الرئيسية » فيسبوكيات » السوريون بعد الثورة

السوريون بعد الثورة

لسوريين بعد الثورة
صار اذا الواحد اجته بنت ( و بنت حصرا) يسميها اسماء فرنسية اسبانية ايطالية.. اجانب مو بايدنا
و صار اذا لعب رياضة لمدة لا تتجاوز ال٣٥ دقيقة و يكون قضاها مشي و فصفصة بزر يعني بالمجمل مشيلو كيلو و ربع .. بيكتب عالفيس بوك.. Check-in او swimming .. Runningرياضي مو بايدو..مع انو الرياضة عند الغرب شي شخصي مثلها مثل الاستحمام او الغدا.. يعني شي اقل من الطبيعي انك تعمل رياضة.
و صار تحكيه عربي برد عليك انكليزي و لو انو انكليزيتو مستواها مثل مستوى اختي سيدرا الصغيرة بعلم الفضاء.
طبعا تحكيه بالبورصة بيفهم تحكيه بالسياسة برأيو بداعش يكره داعش و يقول انو هي ياللي خربت علينا ( مع استخدام نون الجمع) يعطيك نسب بالتبرعات ياللي سرقتها المعارضة و تحكيه بالطبخ بالدين بالكرة الطائرة.. عندو اجوبة لكل شي.. زبدية صيني.
طبعا و ستين الف طبعا مافي سوري شو ما كان وضعو الا وفكر باستغلال الوضع و اللجوء. ان شا الله يكون مؤيد او ما الو دخل و عندو اقامة ببلد خليجي و شغال قبل الثورة بهالبلاد و جوازو بيتجدد.. ما تحس و تدري الا check-in و goodbye Middle East و قد تم التمهيد لنا في احدى الجلسات وقت قال: الشغلة صار بدها جواز اوروبي
طبعا السوري علماني متحرر ولكنه غيور جدا على دينه.. يعني مثل غيرة داعش احيانا..
طبعا السوري بيداري العاطفة و في بوست حب مسائي و بوست صباحي و عيناها و فنجان قهوة و انتظرها.. و البنت بالمقابل تنزل اغاني اجنبية جديدة البنت السورية فهيمة بكل شي
طبعا البنت السورية اذا كانت دارسة ٤ سنين جامعة.. يا محمد يا علي يا عدرا .. ما ببتحاكى! تتعامل مع الاقارب و الاصدقاء و العرسان باعتزاز اللي ياخد دكتوراه ياللي مرشح حالو لشي وزارة
و البنت السورية تواكب كل شي من حيث الموضة و زوايا التصوير الدارجة عالانستغرام و كأس العالم و مقتطفات سياسية مهمة كاعدام معاذ الكساسبة..

طبعا هالحكي بينطبق عالعرب بشكل عام و انا كتبت هالحكي مزح بعد ما خلصت فحصي و ما بقصد حدا محدد و بتمنى محدا يزعل مني

حلا صباغ



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع