أخبار عاجلة
الرئيسية » فيسبوكيات » نسرين طرابلسي: حجي مارع نموذج عليه أو قريب منو لازم نقيس أحلامنا بقائد أو رئيس

نسرين طرابلسي: حجي مارع نموذج عليه أو قريب منو لازم نقيس أحلامنا بقائد أو رئيس

لما كنت عم حضر لأعمل تقرير عن حجي مارع
شفت كل الفيديوهات عاليوتيوب المسجلة معو تفاجأت بعفويتو وطيبتو وقربو من الأرض والناس.. شفتو كيف رمى سلاحو ليسعف مقاتل وشفتو كيف بيضحك مثل الطفل الصغير وشفتو كيف بيحكي وبينفعل من قلبو وببيستشهد بحكيات أمو وشفتو كيف بيعصب بالمعركة وبيتحرك مثل دينامو من الطاقة والحيوية وشفت لحظة اصابتو.. كان هادي ومسلّم
ما كان عامل قائد ولا عم يدعي شي مو موجود فيه..
تأثرت جدا لأن الحجي مارع كان الحجي (مارد) بهالكاريزما والشخصية .. وكان حقيقي زيادة عن اللزوم لدرجة إنو مو حقيقي.. يمكن منشان هيك مات
لأن هيك نوع من الناس مابيطولوا كتير.. ليظلوا مثل الطيف والحلم
وهدول ماحدا يزعل إذا تحولوا لأولياء أو أيقونات
مالازم ينتسوا .. لأن قلال.. ونادرين
حجي مارع نموذج عليه أو قريب منو لازم نقيس أحلامنا بقائد أو رئيس



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع