أخبار عاجلة
الرئيسية » أخبار عاصفة » #مادخلنا ناشطون سوريون يطالبون السوريين في تركيا بعدم التدخل بالانتخابات التركية او الشؤون الداخلية التركية

#مادخلنا ناشطون سوريون يطالبون السوريين في تركيا بعدم التدخل بالانتخابات التركية او الشؤون الداخلية التركية

منترجاكم لا تعيدو خطأ مصر، لا تجنو على مليونين ونص سوري اتهجروا من بيوتهم، كرمال تفزعو لجهة على حساب غيرها، تذكرو دايماً، نحنا مجرد ضيوف بهالبلد ومادخلنا.

للأسف ويلي هو واضح عم يصير استغلال للقضية السورية من قبل بعض الأحزاب التركية، فلا تصدقو أي شي بينقلكن عن أنو بيحقلكن تصوتوا بالانتخابات أو مظاهراتها – بالعكس – هالشي ممنوع، وضرره ع السوريين كارثي.

لطفاً ورجاءً التقيد بالتالي:

● الابتعاد تماما عن أي تجمع سياسي لمناصرين أي حزب من الأحزاب التركية.
● الابتعاد تماما عن الخيم الانتخابية، وعن أي شي بيخصهم.
● لاتحاول تخوض أي نقاش سياسي مع أي تركي، واكتفي بأنك بتتمنى الأفضل لتركيا وبالنهاية هو قرار الشعب التركي.

الموضوع هالمرة خطير كتير لأنو متل ما حكينا المعارضة التركية عم تلعب على ورقة السوريين ومشاكلهن، وحتى الصحافة التركية كتير مركزة على هالموضوع.

تذكر منيح .. أنا وغيري مسؤوليتك، دير بالك علينا!
لاتنسى تعمل شير لهادا المنشور، حتى يوصل لكل السوريين بتركيا.