أخبار عاجلة
الرئيسية » كتاباتكم » منال بيطار : أنا من عندي رح جاوب عن المسيحيين ……. وعالمكشوف / يا ساروت أيها البطل الجميل الثورة إنت ونحنا /

منال بيطار : أنا من عندي رح جاوب عن المسيحيين ……. وعالمكشوف / يا ساروت أيها البطل الجميل الثورة إنت ونحنا /

مسيحي …. ثوري …..سوري ….وساروت …

اليوم بالشغل كان عندي شي ربع ساعة فراغ ، فتحت الفيس شوي طلع بوجهي فيديو الساروت ،،،
شفتو والحقيقة استفزني لأول وهلة جدا……..بعدين صفنت فيه شوي …. شفت إنسان ما عندو قدر عالي من الثقافة ،، بسيط الروح ، مكسور القلب ومخنوق …. ماتوا أخواتوا و أكل ورق شجر لشهر أو اتنين ويمكن أكتر ، سنتين شبه معزول عن العالم الخارجي ، سنتين وهو حاطط روحو على كفو وعم يتوقع الموت بأي لحظة ……. كيف بدي لوم هيك إنسان شو ما حكا وشو ما قال ……..
بس حقيقة اللي استفزني لأكتب هالبوست مش لأنو الساروت سب عالعلويين والنصارى وووو كل الناس للأسف صارت عم تسب على بعضا
المستفز هو كلمة، بدنا نعمل فتح و نقيم دولة الشريعة …..!!!!!!
و تعليقات من الناس على المسيحيين وووووو ،،،، عم يسألوا ليش انحرِّيتوا ؟؟؟؟
أنا من عندي رح جاوب عن المسيحيين ……. وعالمكشوف
كل مسيحي شارك بالثورة هو إنسان معتدل و غير طائفي ، قام بالثورة من أجل دولة العدالة والقانون بغض النظر تماماً ،،،،،،، وبكرر بغض النظر تماماً،،،،،،، عن مين ممكن يستلم الحكم ،،، علوي ،سني كردي مسيحي أو درزي ،،، كان هدفوا العدل والدولة الديمقراطية والقانون فوق الجميع وبس وبس ، المسيحي بسوريا ما كان عندو عداوات طائفية ، تعايش مع الكل ( بغض النظر عن النزعات الموجودة بسبب البيئة الحاضنة )
المسيحيين بشكل عام ما بطيقوا النظام ،،،، وضدوا تماما ، بس الأغلبية للأسف كان عندهم خوف من شي اسمو متأسلمين ووهابيين وسلفيين ،،،،، وطبعا شي طبيعي من يلي عم نشوفوا من هالأصناف ،،،،، فقسم منهم اختار صف النظام ( ضعفاء النفوس والمستفيدين طبعاً) ، وقسم اختار الحياد ، وقسم آمن بالحرية وبالسوريين و اختار الثورة والحق ،،،وهو اللي أكلها من جميع الأطراف ، لأنو المسيحيين اتهموه بالوقوف بجانب الإسلاميين،،،،،، و العلويين حالفيين بقتلو ، ،،،،،،،وحالياً معظم السنة المتطرفين ، عم يقولوا الثورة اسمها ثورة سنية ؟؟؟؟؟؟؟؟؟!!!!!!!!!!!!!!!!
هون بقى الكارثة لما بيجي واحد مع الثورة وبقول بدنا نعمل فتح ودولة شريعة وما بعرف شو …….
وقِّف عندك يا أخ منك إلو ، واسمعني منيح ،،،،، وين رايحيين بهالطحشة ،،،،،؟؟؟؟؟؟؟ ما تكونوا صدقتوا إنها ثورة سنية ؟؟؟؟ وثورة فتح وشريعة ؟؟؟؟؟؟؟
أنتو يلي عم تقولوا هيك ما تفتكروا أنكم الأكثرية … ولا بعمركم كنتو الأكثرية ،،، أنتو الأقلية من السُّنة السوريين ….. وأنتو المنبوذين من جميع الطوائف ،،،،،،
السُّنة السورية معتدلة ونحنا لما شاركنا،،، لأنو عنَّا إيمان بالقسم الأكبر العقلاني المعتدل السني اللي كل عمرنا متعايشين معهم ……
وللأسف أصواتكم الفاجرة رح تغطي على أصواتهم ،،،،،،، شوهتوا الإسلام وكرَّهتوا الناس والمسلمين فيكم …..
بس ما تفتكروا كرَّهتونا الثورة ،،،،،، أبدا ،،،،، أشكالكم كنَّا متوقعينا ،،،،، متل ما متأكدين آنو المسلمين المعتدلين لكم بالمرصاد …..
والأهم ،،، عندي سؤال للي بدو دولة إسلامية .. وكمان للي عم يقول الأقليات ما شاركوا ……؟؟؟؟؟؟؟؟؟؟؟؟؟!!!!!!!

************ من أنت لتتجرأ وتلغي الوجود المسيحي ؟؟؟؟؟ شو صفتك ؟؟؟؟؟ مين عطاك الحق؟؟؟؟؟ من أنت لتنكر وتتعدى على وجودي الثوري لمجرد أني مسيحية ؟؟؟؟؟؟؟؟. اطلع هلأ وجاوبني إنت مين ؟؟؟؟.
إنت أكثرية ؟؟؟؟ ايه انت غلطان كتير ……هل انت وطني ؟؟؟؟ إنت ما بتعرف أصلا شو يعني حرية لحتى يكون عندك قرار بوطنك ……
إنت بدك النظام يسقط مشان السنة ينتصروا ،،،،بحب بشرَّك لكن بمستقبل زاهر لهالوطن اللي عم تحلم فيه …..
كلو دم وحقد وكراهية ،،،،،
عم تحاربونا كل ما قلنا تعايش سلمي ؟؟؟؟؟؟؟؟؟؟
لا تكونوا مفتكرين خوفا منكم ؟؟؟؟؟ لا يا عيني بس لأنو نحنا اللي منعرف نبني الوطن ،،، نحنا صوت العقل والتعقل ،،،،، نحنا اللي منعمروا مع كل إنسان عرف معنى الظلم والحق وثار مشان كرامة الإنسان ،،،،،،، ما ثورتكم الخلبية اللي خلت الناس ترتعب منكم في أصقاع الكرة الأرضية …. الناس وصلت لبناء مدن عالقمر …….. وأنتو ثورة فتح وخلافة .!!!!!!!!!!!!!!!!!!.
عرفتوا ليش ممكن أي إنسان معتدل ما بس مسيحي ينزعج من كلمة فتح ودولة إسلامية ؟؟؟؟؟؟؟؟؟؟؟؟؟
لأنو بعد تلات سنين من الدمار والدماء والتضحيات ودماء غياث وباسل ومشعل الذكية ،،،، جايين تلغوا وجود ثورة الكرامة العظيمة ،،، ما بس عظيمة بل أعظم ثورة قامت ضد أوسخ وأقوى الأنظمة …… وبدكم تحولوها على كيفكم بحجة كلمة الأكثرية ،،، ؟؟؟؟ ذات المعنى الفارغ تماماً من الكرامة ……
إصحوا بقى من هالوهم الديني المدمر المتخلف ….. ،،، وجودكم من وجودنا ،، وغير هيك ما رح تظبط معكم ، ولا بعمرها رح تتعمر …..

وبالنسبة للساروت اللي أنا بحبو جدا جدا ، بحب قول أنو الساروت بطل جميل ،،،، عانى بما فيه الكفاية وأعطى أكتر من كتيرين ممن يدَّعون العطاء ،،،،، ولكن الساروت ليس قائد وليس تشي غيفارا ((( للقائد مقومات قد لا يمتلكها الأبطال ))) ما بدنا نتخبى ورا أصبعتنا ،،،،،، نحنا بطبيعتنا شعب عاطفي زيادة عن اللزوم إذا حبينا شخص منعملوا اله ، وإذا كرهناه منعملوا الشيطان الرجيم ………. الساروت بالفيديو كان ضعيف ومنهك ولا يلام
ولازم ياخد حقو بالراحة والشبع والنوم ،،، ويشوف شو صاير بالدنيا من أمثال داعش والظواهري وووووو……..

ولن أحسن الظن حتى أسمع وأرى عكس هالحكي منو ،،، لأنو أحسنا الظن بكتيريين و طلعنا على نياتنا …….

ورح تبقى للساروت مكانة خاصة لأنو وقف وقفة بطولة وغنى بكل صوت حنون مظلوم وإحساس ثوري مؤمن
جنة جنة جنة ……. وأنا من عندي بقلك يا ساروت أيها البطل الجميل ……..
الثورة إنت ونحنا ،،نحنا سوريا يا ساروت ،، إنت غنيت ونحنا بكينا معك ،،،،، وياريت تبقى بهالصورة الجميلة



تنويه : ماينشر على صفحة كتاباتكم تعبر عن رأي وفكر كاتبه ولاتعبر بالضرورة عن رأي الموقع