أخبار عاجلة
الرئيسية » فيسبوكيات » أليسار قدسي : وأخيرا وجدت اللقب المناسب لمخاطبتكم

أليسار قدسي : وأخيرا وجدت اللقب المناسب لمخاطبتكم

من فترة شخص بعتلي دعوة صداقة . قبلتا . بيقوم – متل العادة – بيبعتلي رسالة شكر على قبولي طلبه . من الأصول أن أجيبه على الشكر فكتبت التالي و ذكرت إسم الشخص : تسعدني صداقتك ( فلان ) . إحترامي و تقديري .
لهون كل شي عادي .
الأخ فلان بيردلي برسالة بهدلة من كعب الدست لأني كتبت إسمه مجردا” دون ألقاب . و من يومها صرت فتش على كلمة محببة بتقرب القلوب من بعضها كلمة بسيطة من بلادي منسمعها بالحقل و منقولها لناس هنن شقفة من روحنا كلمة كانت تقولها ستي أم جورج وقت قطف الزيتون كلمة ما تكون بتشبه مسيو , و مستر , و سيد بشي . كلمة بتشبه نبتة الحبق و الخبيزة و حبة الرمان بجمالها . و لقيتا و هي كلمة : خيتي و خيي .
مناسبة البوست لي يُعتبر خاص و حضرتكون ما إلكون فيه أنو كمان اليوم إجاني رسالة بتقول : ” أنو أنتِ كل هالعالم لي عندك أخواتك ؟ نازلة خيي و خيتي و غلاظه “



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع