أخبار عاجلة
الرئيسية » فيسبوكيات » منال الرفاعي : بمناسبة عام على وصولي الى هولندا

منال الرفاعي : بمناسبة عام على وصولي الى هولندا

بعد مضي عام كامل ماذا تعلمت و باي نتيجة خرجت وان قارنت بين هولندا و سوريا من سيكون اﻻفضل
-تعلمت ابتسم

-تعلمت اني شوف كل شي حلو الورد الشجر الشوارع حتى حاويات الزباله

-ما شفت حدا بيبول بالشارع وﻻ حدا بيبزق و كل حباشات القرف

-شفت احترام لكل اشكال الحياة

-شفت معامله راقيه معنا بالمدرسه و السوق و الحي

-ما حدا بيطلع فينا نظره تذلنا مثل ما كانو اهل صحنايا بنظرو لﻻجئين بفوقيه

-ما شفت مظاهر دينيه يلي بيعبد الله بيعبدو بينه و بين ربه ﻻ بحط رمز ع بيت وﻻ سياره وﻻ برقبته

-شفت انو الكل مثل بعض ما في منفخه وناس ما بصير تطلع فيهم ع كلمة ما بتعرف مع مين عم تحكي

-شفت كهربا ع طول جايه ومي بﻻ خزانات وﻻ شفاطات دايما جايه شفت تدفئه بدون ما نشيل هم الشتويه و تعباية المازوت


-بالمحصله شفت اني انسان و بستحق عيش كانسان بدون ما تكون الي واسطه وﻻ ادفع حق فنجان قهوه


-بالتالي الوطن يلي بنعيش فيه بكرامه حقنا بالحياة محفوظ ومجال لنتطور ان كنا ناجحين محفوظ


-اخيرا شكرا هولندا ﻻنو عوضتني عن ايام الغربه يلي كنت حسها بوطني اﻻم سوريا يلي مع كل مساوئ العيشه فيها بسبب حرامية الحكام ما طلعت من قلبي وبتمنى تصير بلد يستحقو الناس العيشه فيه


-الحريه لسوريا



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع