أخبار عاجلة
الرئيسية » كتاباتكم » سمير متيني: يا جماعة انا هيك فهمت الثورة

سمير متيني: يا جماعة انا هيك فهمت الثورة

حلمت بوطن حر ببلد فيه كرامة الانسان السوري مصانة ببلد فيها مساواة فيها امن ونظام وطني يحمي البلاد ويسخر جهودة وجنودة وطاقاته وشبابه من اجل المواطن السوري وكرامته, حلمت بلد حرية وعدالة وديموقراطية وتعددية سياسية.
مساجد معاهد جامعات ازدهار اقتصادي تجارة حرة مناطق حرة مدينة اعلام حر وصناعة دراما وسينما وفنون موسيقى مسرح ومكتبات.
مطارات حديثة انيقة شوارع منظمة طاقة نظيفة ومستدامة .شعب واحد بكل قومياته ودياناته ومذاهبه , حلمت بتداول عالسلطة واعلام حر يراقب اداء المؤسسات والسلطات . حلمت ببلد حين يتعرض مواطن سوري لمشكلة ما في بلد ما تستنفر حكومة البلاد لاجله ويتحرك اكبر مسؤول بشكل عاجل للزود عن هالمواطن . لك بدي لما شوف رجل الامن اشعر بالامان وحس انو في عين ساهرة على البلد .حلمت بسوريا بلد للكل بلد مضياف امن . بحب زيتونها وثمارها وخضارها وبترولها مائها وجبالها وينابيعها صيفها وشتاها بحب المطر والناس لما بترجع عبيوتها بعد يوم عمل وعطاء للوطن ,بحب قمح بلادي وخيراتها من حوران لادلب لحلب لدير الزور للرقة للحسكة للقامشلي للاذقية لطرطوس للبادية لتدمر لحمص لتدمر . حلمت بلد جميل متعايش. السلاح فيه منضبط الثروات توزع بالعدل بين المواطنين ليعيشوا حياة كريمة . حلمت خلمت ببلد عصري فيه صناعات وسياحة وكنائس ومساجد ومهرجانات وكرنفالات وصورة مشرفة لهذا الشعب العظيم, حلمت ببلدي تكون قبلة للاستثمارات النظيفة بوابة لاوربا وطرق التجارة العالمية وموانئ عالمية ومرسى للشركات العالمية و ملاذ امن لرؤوس الاموال حلمت بجيش وطني محترف قوي ومدرب وانيق ورواتب محترمة تكفي الناس ليعيشوا بكرامة وبحبوحة .حلمت ببلدي يكون فيها المسؤول يعمل لخدمة الشعب . حلمت بصناعة وزراعة وفنون وموضة وازياء ومعاهد اسلامية ودور عبادة وحرية العبادة والمعتقد مكفولة للجميع ومصانة ومحترمة . حلمت بدولة مدنية عصرية هيك حلمت بسوريا وهيك فهمت الثورة … ليش بدكن تقتلوا حلمي ببلدي ليـــــــــش

من صفحة الاعلامي سمير متيني ” فيس بوك “



تنويه : ماينشر على صفحة كتاباتكم تعبر عن رأي وفكر كاتبه ولاتعبر بالضرورة عن رأي الموقع