أخبار عاجلة
الرئيسية » فيسبوكيات » توفيق الحلاق : الدكتور توفيق الحلاق وما حدى احسن من حدى

توفيق الحلاق : الدكتور توفيق الحلاق وما حدى احسن من حدى

في مدينة الشارقة الإماراتية صادفت شابا سوريا يتحدث بسرعة وهو يهتز مثل شجرة حور عصفت بها الريح .. بادرني بالتحية : أهلا دكتور توفيق !! أجبته أهلا بك ياغالي بس عفوا أنا ماني دكتور . قال : معقول كل رفقاتك صاروا دكاترة إلا أنت ؟ قلت : خليها لأالله منين الوقت ياصديقي ؟ قال :مشان شو الوقت ؟ إنتي بس قول إي وبتجيك الدكتوراة ع البيت . اسآل …فلان صاحبك .. مين جبلو الدكتوراة ؟ الزلمة دفع المطلوب وأخدتو مشوار واحد على موسكو مشان يدافع عن أطروحتو .. وقعد اسبوع هنيك على روحات وجيات واستلم شهادتو ورجع . مو حلوة أستاذ بحقك ماتكون دكتور تلت رباع اللي من جيلك صاروا دكاترة .. يالله فتحلي جزدانك وهات لشوف مع المراعاة طبعا إنتي أستاذنا .. ولو !!



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع