أخبار عاجلة
الرئيسية » فيسبوكيات » فريد ياغي: و (S) أخت أحسن مهرب بالعالم

فريد ياغي: و (S) أخت أحسن مهرب بالعالم

انو يكذب عليك المهرب
و تطلع جبال و تنزل جبال
و تنزل و تقعد مع 15 واحد ببلم مترين
بعد ما وعدك المهرب انو تكونو 7 ببلم 4 متار
انو يكذب عليك و يطلع شوفير البلم شب باكستاني طالع تهريب و يطلع ما بيعرف يسوق
و انو تكب كللللل غراضك بالبحر انت و كل عيلتك مشان ما تغرقو
و إنو الموج يكون مناسب للتزلج
و تقضي بالبحر 4 ساعات قبل ما تغرق و تبلش تصرخ و تبكي
اي مو عيب تبكي لأنو كانت نسبة موت ولد عمرو 4 سنين اكبر من 90 بالمية
و الابشع تكون انت الي ماسك هالولد
انو تحس بالذل وقت تنزل باليونان حافي و تمشي فيها حافي لأنو بوطك راح
و إنو ما يبقى معك للصدفة غير ديوان أثر الفراشة لمحمود درويش
و عنجد ما بتعرف ليش كنت تارك غراضك و ضامم الكتاب عصدرك
كللل هاد يا جماعة بوجع
بس الأوجع من هيك
يكون لابتوبك هو صديقك الأول و الأقرب من فترة طويييلة
ولك طل شغلك الجديد عليه
و تعرف انو خلصصص
بدك وقت طويييل قبل ما تحط بحضنك لابتوب لتكتب قصيدة و انت الي تعودت ما تكتب قصيدة عالورق
و إنك تشوف عالموبايل مليون رسالة فيس و ما تعرف ترد لأنو مو متعود تشتغل عالموبايل
ما بعرف
بس عنجد مقهور
و كس أخت أحسن مهرب بالعالم
لو معي لابتوب كنت بكتب قصيدة جديدة و بشرح لكل الناس تجربتي



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع