أخبار عاجلة
الرئيسية » فيسبوكيات » صخر حاج حسين: ولك يافاطمة بعدك صبية وجسمك حلو ليش ما بترقصي

صخر حاج حسين: ولك يافاطمة بعدك صبية وجسمك حلو ليش ما بترقصي

بحلب قبل الثورة كان في شاب كردي حباب ولطيف ودرويش كان عندو صالون حلاقة….. وأموره تمام وفي شغل كويس……… في صديقه إبن حرام أقنعه مشان يبيعه كاميرا أنو يترك مهنة الحلاقة ويشتغل بالتصوير على أساس مهنة التصوير إلها علاقة بالثقافة …….. وبالفعل صاحبنا اشترى الكاميرا وصار يسوح بشوارع حلب…… ويصور كل شي…… طبعا أكل كذا قتلة لأنو كان عم يحاول يصور نسوان على أساس بدو يعمل شي فني………… يوم ورا يوم يطلع من الصبح مايرجع للمسا وطبعا صالون الحلاقة مسكر……. وبلشت الديون تتراكم عليه بالأخير باع المحل وتفرغ للتصوير ……هون زوجته طلقته وأخدت ولادها التنين….. وبما أنو زوجته صبية راحت تزوجت من شاب عندو ورشة خياطة صغيرة…….. كمان مدري من أقنعه أنو هوي فنان تشكيلي… وبلش يرسم ويشتري لوحات يقلدها ويجيب ألوان ومن هالحكي…….. يوم ورا يوم فلس وباع الورشة…….. ولحق الفن…… وكان جايب من زوجته ولدين كمان طلقتو وراحت تزوجت من واحد عندو كشك فلافل… كمان كان شغلو ممتاز والمحل تبعه بياع وشغلو ماشي……….. كمان مدري مين أقنعه أنو يارجل أنت شاعر تروك هالشغلة الوسخة وكتوب شعر. وبالفعل قصيدة ورا قصيدة ترك المحل وباعو……. وهون كمان زوجته طلقتوا وكانت جايبة منو 3 ولاد…….. بيوم من الأيام هي المرأة يلي تزوجت من المصور و الفنان التشكيلي والشاعر إجت لعندها رفيقتها وقالتلها ولك يافاطمة بعدك صبية وجسمك حلو ليش ما بترقصي باليه والله فن كويس وبجيب مصاري……. المهم فاطمة اقتنعت بالفكرة وصارت تتدرب عالباليه.. باعت كل شي وراحت عالشام مشان تسجل بمعهد رقص للباليه وطبعا تركت ولادها………… ولادها السبعة صاروا لوحدهم إجوا لعندهم ولاد الجيران يلي عايشين نفس المأساة وقالولهم ولك ياعمي أنتو ولاد موهوبين ومعجونين بالمعاناة ليش ما منعمل فرقة مسرحية ومنصير نشتغل مسرحيات عالمية……… وبالفعل ماكذبوا خبر… وأسسوا المسرح العمالي بمنبج……………………………..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع