أخبار عاجلة
الرئيسية » فيسبوكيات » سعاد جروس …اسمحولي فيها ..( على قولة الشوام بتكفي عشاها بلحس طيــ…)

سعاد جروس …اسمحولي فيها ..( على قولة الشوام بتكفي عشاها بلحس طيــ…)

اسمحولي فيها ..
مو ضروري اذا الاوربيين تعاطفوا مع اللاجئين نفتح صفحة ذم وقدح للعرب ليل نهار لانن ما عم يتعاطفوا مو بس لان الميت ما بيجر ميت و كل المنطقة قشة لفة غرقانة بجورة نشح، لأن اوروبا حرّمت الفيزا عالسوريين وفرضت عليهم الهجرة عن طريق التهريب وبعد موت المئات بالبحر والغابات ابدت شوية تعاطف، شفناها شغلة كبيرة، مع انو فيه دول جوار عربية عايشة عالمساعدات( على قولة الشوام بتكفي عشاها بلحس طيــ…) هبط عليها اللاجئين طب غم بمئات الآلاف من خمس سنين وما حدا عمل مدائح بنخوتها لا بل صار اللجوء سبب اضافي لزيادة العداء ..
بس اوروبا قارة الحريات وحقوق الانسان وقت بتتعاطف مع 71 ضحية راحو خنق بسيارة دجاج على اراضيها !! بيغمى علينا من فائض الانسانية حتى اذا كانت مشكلة اللجوء في مناطق الصراعات هي نتاج سياسات ومصالح الحكومات الأوروبية والأمريكية والدول الكبرى بهالمناطق، واضعف الايمان ان الدول المستثمرة بالصراعات تتحمل وزر سياساتها وتعب شوي من بؤس والم ومعاناة المتضررين.. اللي صار لازم يهجوا بالملايين مو بالألوف الى الدول الكبرى وياكلو عيونون طول ما هنن فاتحين مناطقنا بازارات لللاستثمار بالحروب..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع