أخبار عاجلة
الرئيسية » فيسبوكيات » الحكيم الشامي يهزأ ممن يقول : من هاجر الى المانيا سيعض اصابيعه ندم

الحكيم الشامي يهزأ ممن يقول : من هاجر الى المانيا سيعض اصابيعه ندم

يعني ميركل مو لله عم تقبل اللاجئين .. وبوكرا بيدوب التلج وبيان المرج ……. لح يعضوا اصابيعهن ندم أنه تركوا بلدهن وراحوا لاوروبا

يعني بدي افهم هدول أصحاب الفكر المؤامراتي شو متوقعين يصير للاجئين هنيك أخرى من يلي عم يصير ببلدهن ..
يعني مثلاً يجوعوا .. يناموا بالشوارع .. تدمر بيوتهن .. تنزل عليهن قذائف .. يمنعوهن من التعليم .. يسحبوا شهاداتهن العالية .. ؟؟؟
يعني شو متوقعين يصرلهن هنيك … يمكن يقننوا عليهن الكهربا ويقطعوا المي مهيك ؟؟؟؟
روقوا الله يرضى عليكن بيكفي انه يلاقوا مين احتضنهم وقت العالم كله تنكرلهن وأولهن نحنا
إذا عندكن حلّ قدموه للناس يلي بدها تهاجر وإذا ماعندكن تركوهن بهمن ودعولهن الله يوفقهن ..
هنيك بأوروبا في ياسمين ميونخي .. وفي قرنفل مالموي .. وفي فلّ امستردامي .. وفي حارات قديمة حلوة .. وفي ترينات متل يلي كانت بالشام .. وفي شبابيك عشاق .. وفي جوامع .. وفي ضحك وكرامة وقيمة لكل انسان بحب الحياة



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع