أخبار عاجلة
الرئيسية » فيسبوكيات » الشبيحة باللاذقية يملكون لوحة سيارات بدون ارقام وبدل عنها ” سوريا الأسد “…!!!

الشبيحة باللاذقية يملكون لوحة سيارات بدون ارقام وبدل عنها ” سوريا الأسد “…!!!

في جمهورية اللاذقية المستقلة

((سؤال لكل الأجهزة الامنية والمحافظ والفروع الحزبية والجبهوية والشرطة وبياعي الوطنيات والفلافل في جمهورية اللاذقية المستقلة: اليوم كانت مارة بالحارة سيارة مفيمة ونمرتها سوريا الأسد..اي هيك نمرتها ..في شي بالمواصلات هيك نمرة؟ عم فكر نمّـر…..))

*منقول عن صفحة الصديق كمال شاهين

 

-2-

لما بيكون التفجير على بعد مية متر من بيتك ولما بيكون الى طريق بيتك عشرين حاجز نصهن ب خمسمية ليرة بيفوتوا دبابة ..ولما بيكون ولما بيكون..ما ضل من التفاؤل شي يكفي لآخر الشهر ..والكل معترس ..والكل مفكر حالوا الصح وغيروا الغلط..على مين بدنا نبصق ما منعرف ..يمكن شفت تفجيرات بزماني ايام لبنان..بس لما بيكون التفجير حدك وبتهتز انت معو بيكون امر تاني ..لما أطفالك بيركدو على الحمام عم يتخبوا بتذكر فورا صورة الطفل ايلان المعباية الفيس ..ناقصنا جلد ذات..وناقصنا الم ..وناقصنا انك تنظر على ربنا بالعروبة …والمؤامرة مستمرة. يلعن كلشي كلشي.

 



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع