أخبار عاجلة
الرئيسية » فيسبوكيات » إذا كانت الارقام صحيحة فهذه فضيحة مقرفة

إذا كانت الارقام صحيحة فهذه فضيحة مقرفة

Ziad Alsoufi

 

رح احكي عن الواقع المدني بمدينة اللادقية وحدها ،

في عام 2011، السنة اللي انطلقت فيها الثورة السورية..

١- المدراء العامين و مدراء الأفرع في محافظة اللاذقية :
115 مديرية : 3 مدراء سنّة ،مدير واحد مسيحي ، 111مدير علوي..

٢- في جامعة تشرين باللاذقية:
– 16عميد كلية : عميدين سنة فقط ، 14عميد علوي..
– 258 دكتور جامعة : 48 دكتور سنّي ، 8 دكاترة مسيحيين، 202 دكتور علوي..
– 35 موفد لنيل شهادات الدكتورة في أوروبا: 2 موفد سنّة ، موفد واحد مسيحي ، 32 موفد علوي..

٣- مديرية مرفأ اللاذقية و هيّة عصب الحياة بالمدينة :
مدير عام المرفأ بالعربي الدارج رجل كرسي لا بيحل و لا بيربط، منصب شرفي غالباً بيكون من نصيب السنّة..
اما مغارات علي بابا، فهيّة الدوائر التابعة لمديرية المرفأ ، متل دائرة الحركة ، مديرية الاستثمار ، دائرة الآليات و غيرها 12 مغارة اللي على الدوام بيكونو مأمورين من مدراء علويين..

٤- معمل نسيج اللاذقية :
عصب الحياة التاني في المدينة ..
المدير سامر كمال الاسد..
عدد العاملين 1465عامل , 1134 عامل علوي، 331 عامل سنّي و مسيحي..

٥- المديرية العامة للجمارك :
المدير العام عماد الاسد..
١١٨ كشّاف جمركي : 91 علوي ، 11 مسيحي ، 16 سنّي.
42 امين جمركي : 36 علوي ، 6 سنّة..

و قيس على هالارقام باقي الإدارات ، و بعدين اسقط نتائجها على باقي المحافظات ، بتكتشف انو النظام مو بس طائفي ، النظام حوّل سوريا كلها لدولة علويين عايش فيها سنّة و مسيحيين..

بالمناسبة ، هالأرقام و غيرها اتقدّمت لبشار الاسد من قِبل وفد مدينة اللاذقية لمّا استقبلهون ببداية الثورة ، و طبعاً أنكرها و وعد كالعادة بالنظر بتفاصيلها..

فلا تستغربوا استماتة العلويين لإبقاء الاسد رئيس للدولة العلوية السورية ، فالمكتسبات اللي اعطاهون ياها ، رح يخسروا ٨٠ بالميّة منها اذا اتوزّعت المناصب بشكل عادل على باقي الناس..

فالعلاقة تبادلية بين العلويين من جهة ، و بقاء الاسد بالسلطة من جهة تانية ، فبقدر حاجة الاسد للعلويين كوقود لحربو ضد الشعب السوري، فالعلويين بحاجة لبشار الاسد ليحمي مصالحهون و مكتسباتهون.



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع