أخبار عاجلة
الرئيسية » فيسبوكيات » ماغي خزام : الله لا يسامح كل رجل دين مسيحي صاحب قرار بسوريا او بالعالم

ماغي خزام : الله لا يسامح كل رجل دين مسيحي صاحب قرار بسوريا او بالعالم

مرة تانية وتالتة ورابعة و عاشرة
الله لا يسامح كل رجل دين مسيحي صاحب قرار بسوريا او بالعالم
رحتوا وقعتوا اتفاقية مع الدول الاوروبية لحتى ما يستقبلوا ولا لاجئ مسيحي ارضاء للحكومة السورية .. لصفيوا العالم عم يكبوا حالهن بالبحر ويموتوا .
لا طالبتوا بحقوقهن جوا سوريا ، لا زرتوا معتقلينهن ، لا رجعتوا مخطوفينهن ، لا حسستوهن انهن بني ادمين الهن صوت وبنفس الوقت منعتوا طلعتهن وعيشتهن بدول اوروبية .
وهلق شو ؟ مبسوطين بالمعتقلين بتركيا ؟ مبسوطين بصور الناس الّي عم تغرق بالبحر ؟
كل واحد فيكن طالع قرايبينه و الّي بيخصوه و بس ..
يا ويلكن من ربنا لما رح يجي ويسأل كل راعي فيكن عن خرافه .

 

ماغي خزام

ماري كامل سطاح ، نوف كامل سطاح
بنتين من فيروزة ، حمص
سافروا من تركيا عاليونان بالبحر واختفت اخبارهن .. 99
بتمنى من المعتقلين بتركيا يتواصلوا معي عالخاص .. اهل البنتين قلقانين عليهن و بتمنى المساعدة لاعرف اذا البنتين معكن بالمعتقل او لا سمح الله مع اللي غرقوا و بدي المساعدة لمعرفة اسماء ال 25 شخص الغارقين بسبب اطلاق خفر السواحل التركي النار على البلم و اغراقه
…………….
مضاف : وصلني الان ان الاهل تأكدوا من وفاة البنتين .. العمر الكن و الله يصبر قلبكن .

 



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع