أخبار عاجلة
الرئيسية » فيسبوكيات » عدنان جحا : طبيب أسنان سوري منافس لي اتهمني بالتسبب بسرطان لمريض وكاد باتهاماته المستحيلة أن يقتلني

عدنان جحا : طبيب أسنان سوري منافس لي اتهمني بالتسبب بسرطان لمريض وكاد باتهاماته المستحيلة أن يقتلني

Adnan Jeha

 

اول ما اشتغلت بالسعودية وكنت لسا يا دوب عشر ايام واصل من سوريا اجى لعندي مريض عمره 24 سنة بده يقلع ضرس العقل السفلي – وانا عم اقلع الضرس انكسر معي وراح مية شقفة خبرت المريض انه هاد السن صار بده جراحة وافق المرض شقتلو اللثة وشلت الجزور المنكسرة تحت اللثة وخيطتلو وعطيتو ادوية وكل شي عملتو عادي عادي بيصير مع اي طبيب بالعالم –

.

رجع المريض تاني يوم مكان القلع ووجه منتفخ قالي ليش هيك صار معي يا دكتور قلتلو انه هاد الشي عادي ولا ترتعب هي اسمها ( وذمة ) بتصير بعد الجراحة المريض قلتلو هي بتطلع بعد الجراحة ب 24 ساعة وبتروح كلها بعد 3 ايام – ولا تخاف

 

.

— غابت القصة شي اربع ساعات ما بلاقي الا المرض وعيلته وقبيلته فايتين علي يا قاتل يا مقتول – وكلهن معن طبنجات مسدسات وعصي وفايتين بدهن يقتلوني قال شو ؟؟؟ّ!! انا عملت سرطان لابنهن وجاي ام المريض عم تبكي هههه وقبيلته عم يهدووني ليش عملت لابننا سرطان ههههههه وايجى امدير وايجى المدير الطبي وايجى اناس كلها

.

— لعماااااااااااااا مين قالكن انه هاد يلي مع ابنكن سرطان قالولي انه طبيب سوري تاني بنفس القرية راح سالو المريض قاله هاد الدكتور عدنان عملك سرطان

.

– انا هون ما عرفت شو اعمل اضحك ولا ابكي لانه هالشي انه ايصر سرطان بسبب القلع حتى بالخيال العلمي ما بيصير والله و لا باي احتمال بيصير – كل حقدو هاد الطبيب انه كان مسيطر على هي القرية وانا اعتبرني منافس اله

.

— صار المدير الطبي يضحك ويقلي بشرفي مابعرف انتو السوريين شو هالحقد بيناتكن — لك شو هالافتراء وصلت فيه الكراهية انه يتهمني بشغلة مستحيلة

 

—- وبالاخير بتقلولي انه نحن منحب بعضنا —لك نحن منكره بعض نحن مو مناح مع بعض ولا استثني نفسي



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع