أخبار عاجلة
الرئيسية » فيسبوكيات » شقيقة عسكري أسدي جريح : هل أخي كلب أو جندي بالبلد لحتى كل مشفى تشلحو لمشفى!!!

شقيقة عسكري أسدي جريح : هل أخي كلب أو جندي بالبلد لحتى كل مشفى تشلحو لمشفى!!!

أنا اسمي سمر محمد جريشة أُخت العسكري الجريح راجي محمد جريشة من جبلة قرية حميميم، أخي عسكري تصاوب بعين ترما من حوالي أُسبوعين بطلق قناص سعفوه على مشفى ٦٠١ بالمزة عملولو عملية استئصال طحال وعملية بالكلية وعندو تلات فقرات متفتتين وفتحة بالضهر وعدم إحساس برجليه خرجوه قبل مايكمل الأُسبوع وعطونا ياه وضهرو مفتوح فتح كبير وماعطونا تحويلة ولا على مشفى جبناه من الشام على جبلة ماضل بالبيت نص ساعة صار نار أقرب مشفى كانت الباسل بالقرداحة طبعاً بتشكر كل طاقم المشفى عمل يلي بيقدر عليه وماقصر خصوصاً مدير المشفى ماقصر معو بس أخي الحرارة ماتركيتو وعندو إصابة عصبية على أثر الحرارة أخي إجيتو حالة اختلاج قوية ومن بعدها مباشر فات بصدمة إنتانية من شدة الإلتهاب يلي بجسمو لإنّو بمشفى ٦٠١ ماعطوه الأدوية الكاملة وخرجوه وضهرو مفتوح وكنا نتراجهن ليغيروا تحتو الشرشف ونترجاهم ليغيروا الجرح ونبوس إيدهم على سيروم حسيت بمشفى ٦٠١ معي إرهابي مو عسكري مصاب وعامل عملية مع العلم زارو قائد قطعتو العقيد يعرب غانم ومعو الرائد باسل مشكورين ما قصرو من الفرقة الرابعة وشافو بعينن مافي إهتمام ولا في سيروم بإيدو وحكيت معن كتير منشان قلة الإهتمام، المهم بعد ماتعب بمشفى القرداحة حولوه على مشفى زاهي أزرق العسكري وهونيك بعد مانزل عالباب عند الإسعاف وهو بحالة إسعافية قال بوجهكن على تشرين لإنُو هون عم ننقل… رحنا على تشرين قعدوا الدكاترة يتشاوروا إذا بيقبلوه أو لاء وأخي عم يرجف وحرارتو مرتفعة وفايت بصدمة إنتانية وهنن عم يتفرجوا عليه نص ساعة وطاقم الإسعاف من مشفى الباسل كان معنا وما استقبلوه بتشرين قمنا رحنا عالوطني قاموا باللازم لكن أخي كان منتهي عالآخر بدي أعرف أخي كلب أو جندي بالبلد لحتى كل مشفى تشلحو لمشفى!!!

منقول من شبكة أخبار جبلة نتمنى على الجميع مشاركة المنشور ونتمنى على الجهات المعنية التواصل معنا حال رؤيتهم للمنشور ليصار إلى التواصل مع ذوي الجريح البطل قبل فوات الآوان…



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع