أخبار عاجلة
الرئيسية » فيديوهات مختارة » كلمات أغنية ديناصور كايروكي الممنوعة في مصر / Video

كلمات أغنية ديناصور كايروكي الممنوعة في مصر / Video

حاسس بتوتر
والأمن مش مستتب
قلبي بيدق بسرعه دب دب

ياتري دخلت في باد ترب ولا البلد دي قلبت سرك
سقف الإنبهار فيها فرتك الترنج

فكل خطوة بتموت حته في قلبي
الناس في الشارع شبه الزومبي
والعالم حولينا بيجري
واحنا لسه علينا بدري
عايشين وبنقاوح في العصر الحجري

أنا مش هستغرب
لو شوفت ديناصور أو بطريق
ع الناصية وبيسكور أنا مش هستغرب
لو شوفت ديناصور أو بطريق
ع الناصية وبيسكور

جريت م الديناصور وروحت لأبو الهول
خبطت عليه صحيته من سبع تلاف سنه نوم
حكيتله عن حالنا وأحوالنا والي وصلناله في زمانه
وعن قد إيه إحنا اتبهدلنا وإتهنا

من أثر الصدمه
أبو الهول جتله جلطه وضغط وكوليسترول
وشلل رعاش من الأوابش الي خلوها ماتسواش
قولتله امسك نفسك أرجوك ماتسبناش

اخر كلمة قالهالي بحسرة وتحفظ شديد
إجري ياض من هنا روح العب بعيد
دا انا لولا دماغي الي ساحت ومناخيري الي راحت كنت سمعتك صوت جديد

أنا مش هستغرب
لو شوفت ديناصور أو بطريق
ع الناصية وبيسكور أنا مش هستغرب
لو شوفت ديناصور أو بطريق
ع الناصية وبيسكور

بقلب في القنوات علشان اقتل الوقت والملل
نفس النفاق نفس الفساد نفس الغباء والهبل
علي قفانا بيكلوا عيش
والي يطبل يعيش
الأقرع بيقول نفس كلام ابو شعر كنيش
بيجيبوا الي فيهم فينا
بعد ماباعوا اراضينا
قال ايه بيقولوا علينا شباب ماعندوش انتماء
والمذيع بيقول ماء
ونفس الإسكتش بيتعاد
والكفته ياناس بقت علاج
وتحيا مصر تلت مرات

لو شوفت ديناصور أو بطريق
ع الناصية وبيسكور أنا مش هستغرب

لو شوفت ديناصور أو بطريق
ع الناصية وبيسكور أنا مش هستغرب

لو شوفت ديناصور أو بطريق
ع الناصية وبيسكور أنا مش هستغرب

لو شوفت ديناصور أو بطريق
ع الناصية وبيسكور أنا مش هستغرب

 

http://www.bbc.com/arabic/media-40866985