من صفحة الصديق ‏سهيل أبو التاوو‏ (‏‎Suheyl Hammud‎‏)

انا كرمال هيك تركت العمل العسكري
صرلي من وقت طلعت من سجن الجبهة لهلأ وانا تارك السلاح بتعرف ليش ؟
طيب رح قلك ليش :
بعد ماطلعت من السجن قعدت عشر ايّام وقلت حاج قعود لنطلع عالجبهات طالعت هالقاعدة وطلعت ع تلة العيس المكان الي من دون ماتتعذب ودور وتنطر كتير بتضربلك هدف كان سيارة عسكرية أو اي شي وبعدين من العيس بترابط ع الحاضر الي هي معقل الحزب والايرانيين وبحب هاد المكان كتير إني رابط عليه طلعت وانا مرابط فأجتني تبليغة إني راجع النقطة صفر بضيعة العيس رحت عالنقطة صفر ولا طلعلي واحد مصري مستلم هونيك دار الحديث بيني وبينو
أنا : السلام عليكم ياشيخ
المصري: وعليكم السلام
أنا : ياشيخ أنا رامي التاوو سهيل مرابط من تلة العيس ع الحاضر بالقاعدة الليلية وقالولي إنّو راجع النقطة صفر
المصري : آه والله إنت ابو التاوو سمعت فيك كتير بس عندك مشاكل
أنا : ياشيخ أنا مرابط والقاعدة مشغلها والبطارية مابقيم فيها شحن للمنظار الليلي كرمال ماأتأخر إذا في شي
المصري : ياشيخ أب التاوو أنت لازم كل ماتجي ع العيس لازم تمر علية عالنقطة صفر كرمال أمضيلك على ورقة وكل ماتطلع كمان عايزك تمر علية أمضيلك على الورقة
أنا : ياشيخ هاد قرار جديد عالكل
المصري : لا طبعاً بس انت كرمال نحميك
أنا : ياشيخ أحياناً بكون مرابط بتخلص البطارية بروح ع المقر بريف المهندسين كرمال بدل البطارية كمان لازم عدي عليك كرمال الورقة وإذا رجعت بدّي أرجع عدي عليك
المصري : آه طبعاً ياشيخ
أنا : عايز شي تاني ياشيخ
المصري : عاوز سلامتك ياأب التاوو
أنا : ضبيت القاعدة ورجعت ع المقر ومن يومها لهلأ ماشلت سلاحي
وأنت ليش تركت العمل العسكري ؟

خبر قديم ذو صلة

“أبو التاو” مغيبا عن ساحات المعارك بعد اعتقاله من قبل “فتح الشام”.

اعتقلت فرقة أمنية تابعة لتنظيم “جبهة فتح الشام” سهيل الحمود الملقب “أبو التاو” وهو أحد عناصر الجيش السوري الحر.

ونقلت مصادر محلية أنباءا عن أن المجموعة التابعة للتنظيم داهمت منزل سهيل الحمود في بلدة ابديتا بمنطقة جبل الزاوية في الريف الجنوبي لإدلب لتقتاده إلى سجن “العقاب التابع للتنظيم في المنطقة دون توضيح أسباب الاعتقال أو مداهمة المنزل.

ويذكر أن سهيل الحمود هو عنصر سابق في حركة حزم التابعة للجيش السوري الحر، والتي تم القضاء عليها من قبل تنظيم “جبهة النصرة” سابقا “جبهة فتح الشام” حاليا، وفي رصيده أكثر من 86 ألية عسكرية مدمرة تابعة للنظام، بين دبابات وناقلات جند وآليات عسكرية