أخبار عاجلة
الرئيسية » فيسبوكيات » قضية للنقاش : مطعم سوري في الغرب وسخ وتعيث به الفئران وينشر الامراض هل اسكت أم اشتكي عليه واتسبب بقطع رزق عماله

قضية للنقاش : مطعم سوري في الغرب وسخ وتعيث به الفئران وينشر الامراض هل اسكت أم اشتكي عليه واتسبب بقطع رزق عماله

منقول Facebook يستحق التوقف عنه

 

 

اليوم دخلت صدفة على مطبخ أحد المطاعم المشهورة في **** “مطعم عربي” و شفت مناظر غير صحية نهائيا

– وجود مبيدات حشرية يحظر استخدامها في المطاعم
– تخزين لحوم بشكل عشوائي و بدون عزل أو تبريد
– عدم اهتمام بنظافة المطبخ و مستودع اللحوم
– وجود فئران في مستودع اللحوم و المطبخ
و صورت كل شي شفتو

و بالتالي هالمطعم عم يئذي ناس كتير و يسببلن أمراض و قد يسبب وفيات لأصحاب المناعة الضعيفة و في حال اشتكيت عليه رح يتم اغلاقو حكما علما انه الو عدة أفرع منتشرة في تورنتو

بس من ناحية تانية اذا تم اغلاق هالمحلات رح تنقطع أرزاق العشرات من العمال و جميعهم شباب و بنات عرب و الله أعلم شو ظروفن

هالموضوع صار برقبتي بعد ما كشفتو بس انا واقع بين نارين لذلك بتمنى تشورو علي و تساعدوني باتخاذ القرار



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع