أخبار عاجلة
الرئيسية » مدونات Blogs » مشاهداتي بعد زيارة دمشق بعد سبعة سنوات من النكبة السورية

مشاهداتي بعد زيارة دمشق بعد سبعة سنوات من النكبة السورية

صحي انا بكره الشام كمدينة وما عندي فيا زكريات حلوة ومابيربطني فيها شي بس لما مريت عليها مبارح شفقت عليها جدا…الشام مسكينة يا اخواتي محتلة محتلة بكل ما للكلمة من معنى
– هلأ الصدمة كانت انو بعد تسع سنين غياب رجعت لقيت فرق مرعب بين صورة قديمة وصورة جديدة مغايرة تماما…مدينة وسخة قذرة غايبة عن الحضارة واضح انها منهكة من الحرب الخدمات صفر التنظيم صفر يعني عند سانا وجامعة دمشق بالبرامكة سوق هال نظامي مافي مكان تمشي عالرصيف والزحمة….مافي كلام يوصف
– دواليب ومتاريس لا تعد….بتتعب بعدين ومافي طريق بتعرفو ضل على حالو…..قباحة ما بعدها قباحة ولقيت عند احد الحواجز طقم كنبايات للعناصر…ماحابين يشعرو بالغربة عن بيتن على مايبدو..
لا وقال هلأ الحواجز ارحم بكتير …هيك قلي واحد..
– المدينة معسكرة بالكامل…معسكرة قلبا وقالبا… العساكر اكتر من الناس بالشوارع وصور بشار الاسد بالحجم العائلي اكتر من الاعلانات الطرقية…اصلن مالقيت اعلانات بس بتحس بأي دقيقة ممكن يصير هجوم كل شي بيوحيلك انو لسا ما خلصت…
– مناظر الناس بالشوارع شو بدي خبرك…ازا باللادقية ماحدا عم يضحك فالناس بالشام لابسة وش كلب…الله يعين العالم احسن شي
– كراجات البولمان صارت بالعدوي…الله يجعلا كراجات ..شرادق ملبسة خيم امم متحدة حاطين عليها ارمات وصارت مكاتب والبولمانات…يعني ازا بعتناهن عمعمل الصهر ما بيقبلن..
– فيشوني تلاتين مرة عالطريق بين الشام واللادقية…شو تلاتين قول خمسين وانت مرتاح بياخدو الهواوي بدخلوها على شردق توتيا اسما غرفة التفييش بجيبو شغلة متل تبع الاسعار بالسوبر ماركت بسلطوها عالباركود بهويتك ومابيطلع عليك شي بس معليش بدك تتفيش مرة تانية بعد خمسة كيلو قال هدول فرع تاني…نادولو لواحد اسمو علي يوسف قلو العنصر تعال هنت…مارح قلكن علي شخ تحتو….علي خري يا رفاق…
– مكرر للضرورة….الله يعين العالم…كلمة بؤس مابتكفي لوصف حالتن
– النازحين عاملين ضجة بالشام في وفرة بالمهجرين والشحادين وشو بدك في… وفي حديقة بعد جسر الثورة انت ورايح عسوق الخجا مروق عليها الساعة 12 ظهرا وشوف المآسي يبدو عاملينا متنفس الهن وياريت الدولة مجربة تحسن فيها شوي..
– الشيء بالشيء يذكر بالشام مافي دولة في نظام بس مافي دولة وما تسألني شو يعني ارجوك…يعني المدينة واضح انو مهملة ومفاصلا ماعم تشتغل…حالة الحرب مسيطرة عليها تماما
– في نقص موظفين…وين مارحت في نقص موظفين والكل عم يشتكي…الفساد والرشوة علنا…انا رشيت على فكرة لاقدر لحق …
– نحنا وطالعين من الشام مرقنا من برزة…كل ضربة رصاصة غازة بحيط وكل بناية مهدمة فيها رح تزكرك بالف قصة والنظام تاركا على وضعا مابعرف ليش… وبصراحة انا هون فرطت…
– لهلأ مافهمت ليش فيشوني خمسين مرة…اقسم بالله ماعم استوعب…
– الله يعين العالم…صدقا
– زحمة….زحمةةةةةةةةة والعالم تراهم سكارى وماهم بسكارى
– هادا تلفزيون سما لازمو تفجير تفخيخ اي شي…عم يوصلك صورة مو حقيقية عن المدينة….كلو تضليل وعربدة مو حقيقية..لازم يتحاكمو….يعني اي لاف داماسكوس اللي صرعوا طيزنا فيه بساحة الامويين…حطوا بضهرك ووقف تأمل بشاعة الحواجز والكتل الاسمنتيه اللي مقطعة الطريق المقابل الها…ولا الفورسيزون…في قدامو كتلة اسمنتية قمة البشاعة اسما مشروع وردة مسار للخرية بنت الخرا مرتو… متوقفة الاعمال فيا ومحاوطة بشرادق والشجر بالمنصفات مقبوع وفرع النهر ناشف يعني فنجان القهوة فيه بسد النفس بصراحة
– ازا اللادقية ميتة سريريا فالشام ماتت وفايتة بحالة البرزخ…عم تتحاسب نظامي …صحيح انا ما مريت فيها كلا بس مرقت بالمركز الحيوي تبعا وللاسف…منتهية تماما
-ملاحظة لابد منا…بحب اشكر رفقاتي شباب الغوطة وخاصة ابو خالد واب محيو وابو راكان ( مابعرف مين هدول بس الا ما يلتقوا) لانو جد بالخط اللي اشتغلت عليه ما صار فيه شي نهائيا شارع الثورة برامكة جسر رئيس ساحة الامويين مزة
كان كلو كلير…ميرسي يارفاق منردلكن ياها بالافراح انشالله

 

.
(منقول)

.

 

يعني مو أنا واحد ثاني محلاني نازل عالشام بوجود المجرم بشار غير يعملني كبة نية ههههههههه

.