أخبار عاجلة
الرئيسية » حكايات من سوريا » من حكايا زمان : عندما أكل فواز الأسد قتلة حشك لبك من رجال اللاذقية في مطعم الأندلس

من حكايا زمان : عندما أكل فواز الأسد قتلة حشك لبك من رجال اللاذقية في مطعم الأندلس

بصبحية يوم شتوي بأواخر التمانينات, اتوفيت سيدة والدة شب كان بيملك مطعم الاندلس ( اشهر مطعم فتة بهداك الوقت ) ..
باليوم الأول للتعزية و نتيجة صغر مساحة بيت الفقيدة, قرروا اهلها يعملو التعزية بالمطعم نفسو..
ما بعرف شو بيخطر
ببالو لفواز يومها يفطر فتة, الشب اللي معود لا تقرفو عالكرواسون و السيريالز صار بدو ياكول فتة بهالنهار بالتحديد..
بيوصل هوه و مرافقتوا عالمطعم, بيتفاجأوا أنو في تعزية للنسوان الصبح.. و كل شباب العيلة واقفين برا عالرصيف منشان مساعدة المعزين بالوصول..
بيقوم من سيارتو المرسيدس 280 سودا و بينزل مع كلابو
الكارسون المسكين بيقلو ما تواخزنا استاذ بس البقية بحياتكون اتوفت والدة صاحب المطعم و التعزية هون..
أكيد فواز ما بيقبل هالشي.. أنو كيف حدا من اهل اللادقية بيقلو لأ على شي بدو ياه..
و الله بيخلعو كف للكارسون و بيقلو كل الناس اللي جوا بدي ياهن هلق برا, و بتقلو لهالحيوان صاحب المطعم يعملي فطور..
بيجي ابن الفقيدة بيقلو يا استاذ والله مو خرج اليوم, و حياتك الا يجي الفطور عبيتك يوم اللي بتخلص التعزية..
الله وكيلكون بيشيل ايدو و بيخلعو كف لهالشب بيرنلو طبلة دانو..
و بيركضو المرافقة عليه كل واحد طولو مترين و بيبلشو يضربوه..
ولاد الجعفر و الفاروسي و الشريقي اهل الميتة, ما اتحملهون عقلهون.. اربع شباب الله يمد بعمرهون تركو كلشي و طحشو على هالكلب فواز… القتلة اللي اكلها ما حدا بينساها باللادقية.. لأنها قتلة من اتنين بس اكلهون فواز بحياتو..
المرافقة سحبو المسدسات بدن يقوصوا عالشباب بس فواز كان بين ايديهن مهتري قتل فما استرجوا يقوصوا..
بيصرخ ابو جميل بمرافقتوا: يا كلاب يا ولاد الكلاب.. و حشا الله هالشباب ارجل منكون.. و بيقوم من الارض و بيخلعهون لمرافقتوا كفوف و بوكسات
علي الحال يا هالشباب أرجل منكن كلكن.. عطيني هالمسدسات من ايديكن تشوف… و بيروح يا معلم بيوزع مسدسات مرافقتو عشباب مارتقلا اللي ضربوه..
عرفتو من وين السلاح بيجي هلأ ؟؟؟ 🙂
الحكمة:
شباب مارتقلا ربوك… و لعنو امك عابوك..

من روايات زياد الصوفي مع بعض البهارات



تنويه : ماينشر على صفحة حكايات من سوريا تعبر عن رأي وفكر كاتبه ولاتعبر بالضرورة عن رأي الموقع