أخبار عاجلة
الرئيسية » حكايات من سوريا » حكايا السرفيس السوري

حكايا السرفيس السوري

في المانيا يوجد عقوبه ماليه كبيره اذا فقط شوفير رفع الإصبع الوسطى لشوفير ثاني او سبو وقلو يا خرى او يا ثقب الشرج Arsch Loch 😡😡😡😡😡😡😡😡😡😡😡😡😡😡😡😡😡

 

.

صف السرفيس وعبى ركاب..شوفير السرفيس الواقف ويللي نحنا فيه راح دغري وفتح باب الشوفير ونزل فيه كفوف وبوكسات..وهداك انصدم مالحق حتى يغطي وجهو..والشوفير المغوار طبش الباب وخبط عبلور السرفيس وقلو يلا حرك يا ابن القحبة  ..في ست عاتبت الشوفير البطل..ورد عليها وقلها هو غلط ياخالتي لأنو مو دورو..

.
بعد شي ميتين متر..صف الشوفير المضروب وقلو أنا ماضربتك ومارديت عليك لأني بحترمك وسيارتي مليانة حريم…يعني فوق الموتة عصة قبر، أكل قتلة ومسبة وعم يحاول يبرر عدم رده لا وكمان في محاولة كسب ود المعتدي..

.
رجعت الست قالتلو..شايف قديش مكسور خاطرو..ماعندك أخوات؟ فرضو انو أخوك..الاخ المقدام قال أستغفر الله مو هيك تربايتن ..هو وأخوته كدعان ومو نسوان..بيجيبوا القتلة لحالن وبعدين بدن يبوسوا الإيدين…

.
لأول مرة مو بس بقرف..بخاف..وكتير كمان..مو بس لأني امرأة وخطابه مهين ودوني..لا لأنو معايير الكدعنة صايرة شكل تاني..ومعايير السلامة كمان صايرة شكل تاني..

.
اكتر شي قاهرني الدمعة بعين الشوفير المضروب ومنظر الشبيبات الصغار وفي ولد صار يدفش حالو لجوا السرفيس وكأنو جاييه الدور.. و جمدة النساء بالسرفيس لدرجة ان بنت الست يللي تدخلت قالتلها سكتي بقى بدنا نروح عبيتنا بسلامة.



تنويه : ماينشر على صفحة حكايات من سوريا تعبر عن رأي وفكر كاتبه ولاتعبر بالضرورة عن رأي الموقع