أخبار عاجلة
الرئيسية » فيسبوكيات » قصة يسرى ( 14 ) عام : مذكرات محقق ضابط مجند سابق بالشرطة العسكرية

قصة يسرى ( 14 ) عام : مذكرات محقق ضابط مجند سابق بالشرطة العسكرية

بمناسبة موسم الاعياد رح اكتبلكم حلقة جديدة من حلقات خدمتي بشعبة التحقيق العسكرية ..هل الحلقة تعتبر +18 هههههه..عبكتبلكم لتقروها للاخر ..لانها طويلة ..
حلقة اليوم عن يسرى ..مو الفنانة يسرا..لا . بنت صغيرة اسمها يسرى( هيك كان اسمها مكتوب )..
بليلة ليلاء..حوالي الحادية عشر ليلا..واثناء احدى مناوباتي ..بتجينا دورية شرطة مدنية من احد مخافر دمشق..مصطحبين معهم يسرى ( 14 ) عام..مع والدها وشخصين اخرين احدهما عسكري ..
الخلاصة انو البنت كانت هربانة من بيت اهلها ..وهل الشخصين هنن وجدوها وجابوها للمخفر..فالمخفر اتصلوا بابوها ..واكيد ارتشوا منهم كالعادة بحجة انهم رح يلاقولهم مخرج..ثم جابوهم لعنا كلهم كالعادة..وخبرونا ..وطلبوا مننا نعمل محضر اثبات ونسلم البنت لاهلها والاب بيشكر الشباب عنخوتهم..
طبعا هيك كانوا واعدينهم اكيد..بس نحن بنشتغل عكيفنا ..سلموني القصة ..فأول شغلة سألت الشرطة : فحصتوا البنت ؟ فارتبكوا وقالوا : لأ..مافي داعي !
هممم..اخدت البنت للطبابة الشرعية بنصاص الليالي..حيث وجدت انو الطبيب المناوب طبيب اسنان هههه. بس مدبر واسطة وعبيخدم عسكريته بالشرطة العسكرية . فطلبت منو فحص البنت ..
بعد الفحص..البنت طلعت معتدى عليها من الامام والخلف !
هون انا عصبت بصراحة..لاني حسيت انو كانوا عبيحاولوا يغطوا الاحداث ويخلونا نتورط بتغطية القصة ..
رحت عل التحقيق..قلعت الشرطة ..وقلعت الاب وقلتلو بكرا بتستلمها من المحكمة ..
واما الشخصين ..فشحطتن عغرفتي ..
كان العسكري عملاق طوله بحدود المترين ..وكان جسم رياضي كمان..فطلبت منهم يقرفصوا ..مشان اقدر اصفعو ..
خرطت كل واحد كفين متل فراق الوالدين..وقلتلن : هي دفعة اولية لبين ما اعرف مين اللي اعتدى عهل الطفلة ..
اعتبرتها طفلة لانو عمرها 14 بس..وجسمها ناعم ..مافي شي يعني يوحي انها امرأة ..
اخدتها عغرفة تانية وصرت احقق معها ..
البنت كانت خايفة كتير. طمنتها وهدئتها وصرت الاطفها ..فتعلقت فيني ووثقت فيني فصارت تحكيلي قصتها ..
البنت هي ابنة لمساعد بالفرقة الرابعة ( فرقة ماهر الاسد)..ساكنين بمساكن الفرقة الرابعة بالسومرية ..امها مطلقة وتاركة البيت..والبنت كانت مزعوجة من ابوها..لانو قال بيتحرش بصديقاتها من المدرسة ..وبيطلب منها تجيب رفقاتها ! ليتحرش فيهم !
فالبنت هربت من البيت ..وركبت بميكروباص ( سرفيس نقل ) ..وقعدت باخر كرسي متعبة وحزينة ..فنامت واسندت راسها عكتف العسكري اللي جنبها ..العسكري اتفاجأ..ايقظها وسألها عن قصتها..فحكتلو انها هربانة..حاول يقنعها ترجع للبيت . فرفضت ..فقلها انو هلق هوي رح يسافر لعند اهلو بالحسكة ( منطقة غويران..ذكرت المنطقة لانو الها تتمة )..لكنه بالاول رح ياخدها لناس قرايبينو معظمهم بنات ..تقعد عندن يومين لتهدا..وبعدين بترجع لاهلها ..هاد العسكري نفسو اللي اجا معها لعنا ..
فعلا ..الزلمة اخدها لبيت اقاربه اللي كلهم بنات واخوهم ..الشخص المدني اللي كمان كان مع البنت واجا لعنا ..
سافر العسكري مباشرة ..بعد ما اوصاهم يعتنوا فيها يومين ويرجعوها لاهلها ..
البنت قعدت عندن وما قبلت ترجع..وهدول عندن سفرة عحمص..اخدوها معهم..
بحمص ..وتاني يوم من وصولهم..قامت البنت تعمل دوش..وكانت ترتدي شورت قصير وشيال..بهل الوقت وصل اخ لالهم ..كمان عسكري.وشافها بهل المنظر..والكل كان نايم..فعمل عملتو..
وضلت البنت مع باقي البنات بحمص ثم عادوا لدمشق..
عاد العسكري من اجازته ..ومر باقاربه قبل التحاقه بمكان خدمته ( الحرس الجمهوري )..ليفاجأ بانو البنت ماتزال موجودة عندهم !
غضب وقلهم لازم نسلمها للشرطة..والبقية بتعرفوها ..
يعني طلع العسكري العملاق اللي اكل كفين..بريء..والجاني لسه بعيد عن قبضتنا..ولهون حاج طولت عليكم..نتابع بالحلقة القادمة .

الحلقة التانية من قصة يسرى..
لما عرفت مين الفاعل ..رحت للغرفة التانية واعتذرت من الشخصين اللي صفعتهم..لكنهم قالولي معك حق..لانك كنت مفكرنا نحن..وعرفت منهم اسم العسكري الجاني لانو قريب للشخص المدني ..وفورا ارسلت عدة برقيات بتوقيفه وارساله الي موجودا للتحقيق معه وتقديمه للقضاء..
بالنسبة للبنت يسرى..اقنعتها انها لما بتروح عل المحكمة انها تقبل تتزوج العسكري اللي اعتدى عليها ..فهي قالتلي ببراءة : بس انا مابحبو ..انا بحبك انت ..
هي لحقت تحبني هههههه..قلتلها : معلش …اتجوزيه وبعد كم شهر اتطلقي منو ..فقالتلي : متل مابتريد انا رح اعمل ..
بعد يومين تم احضار العسكري الجاني مقيدا لعندي …
هاد بقا خرطتو اكتر من كفين ..وصرت احقق معو ..
الزلمة انكر انو اعتدى عليها ..فانا قلتلو انو لازم تعترف..البنت اعترفت عليك..فاذا انكرت ام اعترفت سيان..انا بنصحك تعترف وتطلب انك تتزوج البنت ..
العسكري والله استجاب وقلي : اكتوب متل مابدك وانا بوقع..بس والله انا ماعملت شي ..
المهم اعترف وارسلته للقضاء..
بعد حوالي تلت اشهر..كان عندي شغلة بنظارة الشرطة العسكرية..طلعت فشفت بنت موقوفة..البنت صارت تطلع فيني بمحبة وكأنها بتعرفني..وانا اطلع وما اعرفها ! قالتلي : انا يسرى !
انذهلت ..البنت وكأنها تحولت من طفلة لامرأة خلال تلت اشهر..يعني طولت وتخنت ..وكلشي عندها صار بحجم كبير..مقدمة ابن خلدون ..ومؤخرة ابن زيدون ههههع.عبقلكن شي عجيب..لاني انا عادة ما بنسى شخص ولو شفتو بعد سنين..
المهم فوجئت فيها انو ليش لهلق موقوفة !
سالتها ليش ما راحت عبيتها ؟
اجابت بانها رفضت تروح عبيتها لما سألها القاضي اذا بدها تروح عل البيت ..فحولها القاضي على معهد القاصرات ( بظن بقدسيا كان مطرحو )..وهنيك طاب لها المقام..والبنت تخنت وربربت ما شاء الله …سالتها : ليش ما اتجوزتي فلان ؟
قالتلي : مابحبو..وابوي ما وافق !
هون صارت العصافير تلعب بعبي ..وودعت البنت وقالتلي انها بتتمنى تشوفني بس تطلع !
والله انا بعتذر جدا يعني..
هون خلصت القصة..لكني للان عندي شكوك قوية انو الاب من اعتدى عل البنت ..والعسكري المسكين يا دوب عمل معها علاقة بسيطة ..لانو اصر انو بريء رغم توقيعه على اعتراف انو الفاعل..
الاب انا ما ارتحتلو من اول ما شفتو ..وهروب البنت منو..وتحرشو برفيقاتها ..وعدم قبولها العودة للمنزل وتفضيلها معهد الاصلاح عل البيت ..ورفض الاب انو ينستر عبنتو …كلها خلتني افكر كتير انو القصة ماتزال فيها حلقات مفقودة..
بنختم مع العسكري العملاق ..اللي اكل كفين ناريين من حضرتنا ..بدون ما يكون عامل شي…هاد العسكري من غويران بالحسكة ..وللصدفة جيراني بالبيت اللي انا مستأجر غرفة فيه كمان من غويران !
فلما حكيتلن ..عرفوه للشب فاندهشوا ! وصاروا يستفسروا ويتأكدوا اني عن جد ضربتو كفين !!
قلتلو: طبعا .اشبكن..اش يعني اول واحد بخرطو كفين ..فضحكوا كتير وقالولي انو هاد قبضاي منطقتهم كلها..وكل الشباب بيخافوا منو..لقوته وشراسته !!
العمش..والله موقعي كرجل سلطة حماني ههههه
بعد يومين تلاتة..وانا داخل عل البيت ..واذ بجيراني بينادوني لادخل عندن واشرب كاسة شاي..كعادتهم ..
بدخل واذ بلاقي العملاق جاي لعندن ..وقاعد
انا هون تلبكت والله…لكني اتفاجات فيو بيقوم ..وبيجي لعندي بيصافحني بحرارة ….فصرت اعتذر منو وهوي بتقبل كلامي بايجابية ويقلي : معك حق .. بس بجد.. طول عمري ..ماحدا ضربني هيك كفين..ههههه
ضحكنا وشربنا الشاي ..
وتوتة توتة..خلصت الحدوتة..
والى اللقاء بقصة جديدة ..حسب ما اتذكر..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع