أخبار عاجلة
الرئيسية » فيسبوكيات » الفنانة السورية شكران مرتجى تشتكي للمجرم بشار من جوع السوريين وبردهم ومرضهم والغبية تعتقد انه لا يدري

الفنانة السورية شكران مرتجى تشتكي للمجرم بشار من جوع السوريين وبردهم ومرضهم والغبية تعتقد انه لا يدري

Mamoun Bonni

الساخر الباكي..
من صفحة المخرج خالد الشماط.. كتبت الفنانة شكران مرتجى رسالة من الداخل السوري الى رئيس الجمهورية :
رسالة للسيد الرئيس

كتبت الفنانة شكران مرتجى رسالة مناشدة للسيد الرئيس
سيدي الرئيس :
الشعب تعبان ،، مافي غاز ،، ما في مازوت ،، مافي بنزين
مافي كهرباء ،، إجارات بيوت وصلت لمئات الألوف ،،

مافي حليب أطفال ،، وصل حق العلبة 11 الف سوري !!!
عملونا بطاقة ذكية وبدك تكون عبقري لحتى تروح وتقدر
تطالعها ،،، الطرقات بشوية مطر صارت تغرق وتغرق معها
ناس معترة معاشها يا دوب ،، هي البيوت فيها أهالي شهداء
وجرحى ومخطوفين ،، فيها سوريين صبرو كتير كتير

اتحملو الحرب لان الحرب كانت قدر ونحنا مؤمنين وبهمة
جيشنا اللي لساتو واقف بالبرد ،، وبنخجل اصلا ندفى وهنه
بردانين ،،

قدرنا نتغلب ع كل عدو خارجي ،، بس العدو الداخلي ؟؟؟
تجار الحرب والأزمة ،، اللي معه مصاري بيدبر حاله ،،
اللي عنده واسطه بيزبط اموره ،، بس الاغلبيه شو بيعملوا

تعبنا وعود ،، وعهود ،، عالتلفزيونات والاذاعات ،،
معقول اللي ما مات من الحرب يموت من الفقر والبرد.والغلا

ووووووتعبنا عتمة ،، بدنا نطلع عالضو ،، بيلبقلنا وبيلبق
لبلدنا العظيم ،،،

باعتلك الك الرسالة ،، لأنك الوحيد اللي رح تسمعنا وتوعدنا
وتوفي بالوعد ،،

ما بدنا نهاجر ،، ما بدنا نسافر ،، بدنا نبقى ببلدنا نعمرها
كلنا مع الوطن ،، بس ما بدنا الوطن يكون علينا ،،
رئاسة الجمهورية العربية السورية
مواطنة



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع