أخبار عاجلة
الرئيسية » فيسبوكيات » الممثلة «رغدة» تهاجم محافظ اللاذقية: «لملم ثعابينك» / فهل أرادت شتم المجرم بشار تطبيقا للمثل الكلام الك يا كنة اسمعي ياجارة

الممثلة «رغدة» تهاجم محافظ اللاذقية: «لملم ثعابينك» / فهل أرادت شتم المجرم بشار تطبيقا للمثل الكلام الك يا كنة اسمعي ياجارة

 

شنّت الفنانة السورية رغدة، هجوماً حاداً على مسؤول سوري كبير، متهمة إياه بتجاوز حدود القانون ومخالفة توجيهات الرئيس بشار الأسد.

وبعدة منشورات على صفحتها بموقع فيسبوك، قالت رغدة، إن محافظ اللاذقية إبراهيم خضر السالم، يهيمن على المحافظة وعلى أهلها، مضيفة أنه يلغي بهيمنته كل صلاحيات الدوائر الحكومية وتجاوز حدود القانون.

وتوجهت النجمة السورية إلى السالم بالقول ” محافظ مدينة اللاذقية: انت والمسؤول اللي حطك :متلكن كتير اجو وراحو ، ونحنا الباقيين ، اذا صدقت حالك انك دايم، مادايم الا وجه الله والشعب ،وإذا صدقت انك مهمين ع مدينة واهلها وعم تلغي بهيمنتك كل صلاحيات الدوائر الحكومية وعم تتجاوز حدود القانون”.

وأضافت “فأوعاك تصدق انك مش مكشوف ريحتك فاحت، فهمت ولا منطلع اللي في جيوبنا، حدا ياجماعة يوصلو ياها اذا ماوصلتو وكان مشغول ب …….”، كما ذكرت.

وتناولت رغدة مشاكل أهالي ريف اللاذقية ومنهم ذوي ضحايا الحرب، الذين وكما قالت يعانون فقراً وإهمالاً من كل النواحي، في ظل عدم اهتمام مسؤولي المحافظة بمن ضحى بدماء أبنائه لتبقى سورية صامدة، على حد تعبيرها.

وأشارت الفنانة السورية التي تقوم بين الحين والآخر بزيارة ذوي ضحايا وجرحى الحرب، إلى أن السالم ومسؤولي وأثرياء اللاذقية لا يعرفون أي شيء عن معاناة أهالي القرى الفقيرة، وقالت ” شو بتعرفو عن كل الضيع وأوضاعها وأوضاع أهاليها ومعاناتهن؟ شو بتعرفو كيف عايشين ومنين ؟ شو بتعرفو عن مناطق خارج مدنكن اللي أنتو فيها عم بتنقو ع كل شي وأنتو أصلا مرفيهين بزيادة عن المفجوعين بولادهن وفقرهن والصف التاني والتالت من الحكومة ومن بعض المحافظين وجر لأمناء فروع الحزب ورؤساء الدايرة وصولا للمخاتير ( مفرد مختار ) مش بس هيك لا حدا منهن على مدى سنين تأفف من عجزو المادي ولا من شح الأرض اللي جفت عروقها لغياب ولادهن اللي كانو يفلحوها ، بيحنو ع بعضهن بطريقة أنتو اللي ف المدن ماعرفتوها وقت شدة الحرب ,

وأضافت رغدة “بتعرفو شي عن أهل شهيد في ضيعة م الضيع اللي المختار قطع عنهن المي لأنو اشتكوه لأمين فرع الحزب اللي أصلا ماسأل عن شكوتو، شو بتعرفو عن ضيعة كل مناشر غسيلها فوق سطوحها أسود وماعاد فيها غير نسوانها وولادها الصغار يشتغلو في أراضيها”.

وتابعت الفنانة السورية “شو بتعرفو عن ضيعة تالتة بيتكرم فيها اهل الشهدا بشوية معلبات وكم كيس رز وشعيرية وازازة زيت واذا حدا منهن فتح تمو وسأل وين بقية التكريم بيستبعد من التكريم ومن الحاكم بأمر طمعو المتحكم في الضيعة وكانت منهن مرة ابنها الوحيد ومعيلها مستشهد بس أهل الضيعة ماتركوها وشاركوها في لقمتهن”.

وذكرت عدة مشاكل لسيدات في قرى فقيرة وقالت “شو بتعرفو عن أم لتلت شهدا في ضيعة من هالضيع دافنتهن في أرضها ورح تتاخد منها الأرض لأنها كانت مستأجرتها لولادها الشهدا كانو يزرعوها الللي ف الاخر هنن انزرعو فيها ومش عارفة مصير قبورهن من صحاب الأرض اللي ساكنين في المدينة”.

وتابعت “شو بتعرفو عن أم شهيدين من ضيعة من هالضيع رفضت تدفن شهيدها التاني في حضرة المختار وأمين فرع الحزب والمحافظ اللي جايين يتبروظو مع الكاميرات ولما انكشحوا دفنتو وزغردت ودعت ل الله يخلص الرئيس من هل الكائنات قبل ماتدعي لابنها الشهيد”.

ولفتت بالقول “شو بتعرفو عن صاحبة التنور اللي ع الطريق بين هديك الضيع اللي ولادها واحد مخطوف والتاني شهيد والتالت عم يخدم جيش في منطقة ساخنة وكل همها الله ينجي بقية شبابنا م الخاطفين وينصر جيشنا ويرجع الأمان”.

وتوجهت رغدة إلى السالم بالقول ” لملم ثعابينك بسرعة عصا موسى في الطريق، وبحسب مايقوله الرئيس فحضرتك غير مرغوب فيه حتى داخل الوطن ، وأمثالك من أصغر مسؤول لأكبر مسؤول فيكن”.



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع