أخبار عاجلة
الرئيسية » فيسبوكيات » سعاد جروس / وعمرو ما يكون هالمشوار

سعاد جروس / وعمرو ما يكون هالمشوار

اليوم انضربت على عيني وحبيت وفرّ اجرة تاكسي بعد ما الباشا الشوفير طلب الفين وخمسمية ليرة عدا ونقدا لمشوار لضواحي الشام سقفه الف وخمسمية ليرة.. وشو انشرحت لما لقيت باص من بابه لمحرابه فاضي عم يصفر عالموقف، وهااا لسه عم عاينه وفكر لوين ممكن يوصلني وما لاقي الا وصارت البشر واري أمم أمم من وين نبعوا ما بعرف وبلش الدفش، انسطلت .. أطلع ولا ما أطلع؟! بين الدفيشة ست كبيرة بالعمر فكرتني فاصلة لاني عم أفسح المجال للطحيشة يطلعوا وانا سارحة بملكوت الله، نكشتي بلطف وقالت: يا خالتي هيك ما بيمشي الحال..اعملي دفشة لفوق..
ـ ياخالتي برنامج الدفش لفوق مكربج عندي..
بعملية دفش عكسية نفذت خطة انسحاب تكتيكي من وسط الجموع.. واخدت طريق استراتيجي باتجاه البيت وعمره ما يكون هالمشوار اللي أوله دفع وآخره دفش وطحش..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع