أخبار عاجلة
الرئيسية » الشأن السوري » ماغي خزام : رسالة من والدة عسكري في الجيش الى من يهمه الأمر

ماغي خزام : رسالة من والدة عسكري في الجيش الى من يهمه الأمر

 

 

(( ميلاد. ب عسكري عم يخدم بدير الزور ، صرله عم يخدم 4 سنين وكلنا منعرف شو يعني خدمة عسكرية بالحرب بدير الزور .. هالعسكري صرله سنة ما شاف امه يلي بتشحدله حق الوحدات لتسمع صوته ( عحد تعبيرها ) …

الضابط المسؤول عنه عامله لهالعسكري ملطشة و من ضمن الاهانات سب له أمه…..فار دم العسكري وفقد صوابه وضرب الضابط .. وبينزت العسكري بالسجن وأمه رح تجن ))
هي الرسالة متل ما وصلتني.. طبعاً التعليقات المتوقعة: الله لايرده ، الدنيا حرب ، واذا سب امه…….الخ من ناس مابيقدروا ما يحطوا حوافرهن عالكيبورد بكل منشور و طبعاً هن نفسهن بيكونوا جماعة تبويس البوط العسكري بس اختصاصهن بوط ما دخلهن بمعاناة العساكر ..
او وقع حوافر الجهة التانية من جماعة : لكن لسا ما شفتوا شي يا جنود الاسد .. بالدبح رح نجيكن ( بيجو فوق الموتة عصة قبر ) .
للتنويه: طبعاً هي الشكوى الرابعة بهالشهر عن سوء معاملة الضباط للعساكر

2 –

رسالة من والدة عسكري في الجيش الى من يهمه الأمر ( إن وجد ) والى من يهتفون لبوط العسكري اقرأوا معاناة أمه ان كنتم تفهمون .. تقول :
الرجاء كل الرجاء انك توصلي صوتنا اخت ماغي نحن اهالي العساكر الي عم يخدمو الوطن من 5 سنين خدمة الزامية واحتفاظ الرجاء توصيل صوتنا للجهات المعنية الي مبين مو سائلة عن حدا يعني اولادنا اصبحو حرام علينا كلنا مقررين اذا ما صار تسريح بدنا نسفر اولادنا لاوربا وخلي البلد تخرب ما حدا يزاود على حدا الام الي بتحط راسها علمخدة وعندا اكتر من عسكري علجبهات شو شعورها حسو فينا كرمال الله حماية البلد مو على حساب دم اولادنا ونحن عم نشوف اولاد المسؤولين عم يتصورو ويتسكعو بشوارع اوربا كلنا قادرين نسفر اولادنا بس كنا مفكرين الوطن رح يقدر هل شي شكرا سلف …الرجاء ايصال الرسالة لمن تعنيه …كلن بيجو وبيزاود الله محي الجيش وبيغنو وبيصقفو على اغاني الجيش وبيرجعو على بيوتن وينامو بتختن وبحضن امهاتن ……
من قلب ام محروق

 

المصدر ماغي خزام