كتير من السوريين اول ما بوصل عالمانيا او غيرها بحب يغير جهاز موبايلو لشي احدث، و طبعا عروض كتيرة للاجهزة بالمانيا بتكون بالتقسيط.
اذا بدكن تساو فاتراك لموبايل تقسيط(عقد) انتبهو لشغلة اغلب الجدد عم يوقعو فيها و هي:
بشتري الشخص مثلا موبايل S6 و بالعقد لازم يدفع مثلا 45 يورو كل شهر لمدة سنتين و طبعا الشركة لحالا بتسحب من حسابك البنكي، فجأة بتيجي ع حسابك اول شهر بتلاقي شركة الموبايل ساحبه 100 مو 45 بتستغرب و بتقول بجوز ضريبة و بيجي الشهر التاني كمان ساحبين زيادة عن ال45 و طبعا الجديد مو عرفان ليش.
انا رح قلكن ليش: اول شخص بكون لعب فيك هو العربي اللي سويت عندو العقد و طبعا مو كل المكاتب و بكون وقعك على كوشه وراق ما بتعرف انت شوفيها و من ضمنها انو الشركة بحقلا تسحب شو بدها من حسابك و تاني شي بكون موقعك على تفعيل ميزات انت مو بعازتها
لذلك وقت بتشتري خط اقساط انتبه عشو عم توقع و اطلب من المحل اللي عم توقع عندو العقد يلغي كل شي ميزات بخطك و اطلب منو و هاد الاهم انو انت كل شهر بتبع للشركة 45 يورو قسط الموبايل و الشركة ممنوعه تسحب منك من حالها طبعا هنن من حقهن اول شهر يسحبو بناءا عالعقد بعدين انت بتلغي هالحكي و بتقلبها انو انت تصير تدفع.
هذا الموضوع يشمل المغتربين بكل اوربا يجب ان نعرف على ماذا نوقع ارجو الافادة
المصدر: العرب في المانيا
