أخبار عاجلة
الرئيسية » فيسبوكيات » في سوريا الأسد : وضع القطط والكلاب بالشام صار احسن من وضعنا نحنا البني آدميين السوريين

في سوريا الأسد : وضع القطط والكلاب بالشام صار احسن من وضعنا نحنا البني آدميين السوريين

اصدقاء بتلفي لعندهم قطة ذكية وكربوجة،

من فترة لقوها بالجنينة مكسورة رجلها وبحالة سيئة كتير، جابوها عالبيت مع عناية مشددة ، قال مش ممكن يتركوها بهالحالة بالشارع والدنيا برد.

زرناهم اليوم وكانت القطة سوسو محور الأحاديث والاهتمام.

ونحنا راجعين عالبيت بعد نص الليل عم نقطع الجنينة لنصل للشارع التاني لقينا واحد نايم على الكرسي وملفلف ببعضه، هاد الشخص نفسه سبق شافناه نايم بنفس بالمكان الصيف الماضي، وكأنه عامل بالجنينة اقامة دائمة.

وقبل كام يوم سمعنا أنهم عثروا على صبية عمرها 23 سنة مرمية عالرصيف بالشعلان، بالبداية افتكروها نايمة قام طلعت ميتة !!. شي بيقولو من الجوع وشي بيقولو من البرد ..

مومهم .. المهم ان وضع القطط والكلاب بالشام صار احسن من وضعنا نحنا البني آدميين السوريين.. لان ممكن تلاقي ناس لسه بتحن عالحيوانات، يمكن لأن ثوابهم خفيف نضيف لا سؤال ولا مساءلة.. اما البني آدميين يا لطيف قديش صار قليل تلاقي سوريين عم يحنوا على بعض هيك لوجه الانسانية والحجة انو هاد شي منه كتير كتير قديش بدنا نشيل حتى نشيل يادوب نقوم بحالنا.. تعبنا لدرجة القرف..



تنويه : ماينشر على صفحة فيسبوكيات تعبر عن رأي وفكر كاتبه ولاتعبر بالضرورة عن رأي الموقع