أخبار عاجلة
الرئيسية » فرفش » أمثال شامية قديمة وطريفة

أمثال شامية قديمة وطريفة

الحَماية يلي بتحب الكنة إلها كرسي بالجنة ..
الحَماية يلي بتحب الصهر عجبة من عجايب الدهر ..
دلل حماتك و كساب ودها أحسن ما تفتحلك طاقة ما تقدر تسدها..
لو بدي اصرف من كيسي ما بسميك عريسي
عاشر الغني بيغنيك و عاشر الجربان بيعديك
كل ما فتح جزدانو بترجف سيقانو
وقت الشغل بتقول مريضه ووقت الاكل بتقول وين معلقتي العريضه
خبزة وجبنة بهدوء ولا عزيمة مطنطنة وشم ولا تدوء
  لولا الحسد والظنة كانو كل الناس دخلو الجنة
قلل ناسك بيرتاح رأسك
لولا النسيان ما ضحك إنسان
كل شي بالسيف الا المحبة بالكيف
اذا غلي عليك الضاني مَيِّل على الحمصاني
الدنيا متل النَوَرية بترقص لكل واحد شوية
سبع صنايع والبخت ضايع
حبيته وداريته ولما اعتزته ما لقيته
  البصلة عيرت التومة وقالتلا ريحتك خلتني مزكومة
اللي بيتكل ع زاد غيره بيطول جوعه وليله
  طبخة الشطاطة مفركة  بطاطا

 وقت بتنتهي المصالح بيصير الحلو مالح
ياحماتي لاتقولي عني شرنة ما انتِ كنتِ قبلي كنة.